Gospel Ministry International (GMI) Nih Khuafo Ah Bawmhnak An Pek Ning An Langhter. Gospel Ministry International (GMI) nih SAC ralkap vanlawng bomb thlak ruang ah Khuafo khuami thih-lohnak a tongmi chungkhar le hliam a tuarmi chungkhar hna cu April ni 1 ah va tlawng in bawmhnak zong an pek hna i bawmhnak an pek ning zong an langhter.
Gospel Ministry International (GMI) nih SAC ralkap bomb thlak ruang ah thih-lohnak a tongmi chungkhar sin ah sing 5 cio cu chungkhar 9 sin ah an pek, hliam a tuarmi chungkhar sin ah sing 2 cio cu chungkhar 10 sin ah an pek, inn a rawkmi chungkhar hna sin ah sing 1 cio an pek hna i, khuabawi le hruaitu te nih a herhnak zawn tete i an hman ding ah sing 3 an pek hna tiah theih a si.
Phaisa fangfak in an pek hna pin ah eidin phun tam ngai le muka zong an pek chih hna tiah theih a si. Gospel Ministry International (GMI) nih a voikhatnak bawmhnak ah kawlram sing 100 hrawng an pek i, a voihnihnak bawmhnak pek ding zong timhlamhnak an ngei tiah theih a si.TCP