Gospel Ministry International (GMI) nih May 10 le 11 ah Thantlang peng khua cheukhat ralzaam hna sin ah bawmhnak a pek, tiah theih a si.
Gospel Ministry International (GMI) nih May 10 le 11 ah Thantlang peng Sialam, Hmunhalh le Banawhtlang khua 3 ralzaam hna sin ah bawmhnak Facang, Chiti le Dal an pek hna, tiah theih a si.
Bawmhnak pek lawng si loin zan ah Pathian bia in thazaang peknak, Pathian thangṭhat ṭinak le thlacam pumhnak zong an ngeihpi hna tiah theih a si.
Ralzaam bawmhnak pek kong he pehtlai in, “Bawipa nih damnak he lam kan hruai seh law fur tlak hlan le tilianh hlan deuh ah hin Thantlang peng ralzaam hna an i dornak khua cheukhat ah bawmhnak pek khawh ṭhan kan i zuam lai,” tiah Gospel Ministry International (GMI) in Coordinator Pu Siang Mang nih The Chin Post ah a chim.