Tuzing Vaurawng Zuunthil – Vaan Ralvennak tlangaunak ah Rev. Dr. Si Khia nih kan ram le miphun caah dothlennak tuahtu CNA caah Australia Dollar 10,000 (thonghra) bak a hlut hna tiah thawng theih a si.
Rev. Dr. Si Khia cu Thantlang peng, Lautu pengtlang, Thangaw khuami a si i, atu hi Australia ah a ummi a si. Amah hi CNA ralkap bawizik Col. Solomon Thang Ding farnu pasal a si.
Tutang CNA caah hi zatzat phaisa a hlutnak hi dam lo bu tein “Ka Nun Lamthluang” timi cauk a tialmi in a hmuhmi phaisa kha tu bantukin miphun dohthlennak caah a hlut hi a si.
Amah hi Laimi nih kutdong khiatkhim bochanmi pa kan ngeimi lak ah pakhat a si ve.Credit: CNA
Suimilam 6 Chung Ah Mocha Cyclone Thlichia A Zual Kho! Bangladesh nichuah thlanglei in aa semmi Cyclone Mocha thlichia cu suimilam 6 chung ah thazaang a ṭhawng ngai mi Cyclone thlichia ah a cang kho
May 14 ah Bangladesh ram Cox’s Bazar le Rakhine ramkulh, Kyaukphyu kar Sittwe khuapi pawng tiang a phan kho, tiah khuacaan tuaktantu hna nih nihin May 12 zinglei ah an thanh.
Mocha thlichia cu suimilam pakhat ah meng 60-70 tiang a kal kho, tiah zumh a si. India khuacaan tuaktantu zung nih, Mochia thlichia cu nihin May 12 zinglei in a thazaang a ṭhawng chin khomi a si i, meng khat ah 135 tiang a hrang kho, tiah an ruahdamh.
Mochia thlichia cu Rakhine ramkulh, Chin ramkulh, Ayeyarwaddy ramṭhen, Magway ramṭhen le Sagaing ramṭhen tiang a phan lai, tiah khuacaan tuaktantu Win Naing nih a chim.