Gaza a thi mi minung 2,215 Hliam tuar mi minung 8000 Minung 2million nih ti din ding an ngei ti lo. Israel nih Gazans mipi suimilam 24 lawng si loin Main road 2 ah 10am – 4pm local time (8AM – 2pm BST) chuahnak caan a sauh piak hna. ( Pathian thim mi miphun ciamam )
Amos 1. 6-7 Hihi Bawipa bia an si: Hihi Bawipa bia an si: Gaza nih á¹hatlonak kha pakhat hnu pakhat a tuah lengmang caah, a cung i dantatnak ka tlunter ding kha ka let lai lo
Annih nih saltangmi kha an bu ning piin an kalpi hna i Edom ah khan an chiah hna. Cucaah Gaza kulhnak vampang cungah khan mei ka thlah lai i cu mei nih cun a ralhruang vialte kha a kangh dih hna lai.
Israel ralkap hna cu Gaza ah a um mi Hamas ralhrang pawl cihmih awk ah Gaza ah an lutcang hna tiah IDF chimnak nawlngeitu Daniel Hagari nih a chim.
Israel ralkap hna cu Tank zei maw zat he Gaza ah lut in Hamas nih an tlaih mi hna pawl va kawl awk ah an luh hi a si tiah a chim chap. Hamas nih hin minung 150-200 karlak hrawng an tlaih hna, asinain Israel nih cun minung 120 lawng fiang tein an theih khawh rih hna.
Israel le Palestine buainak daihter awk ah US nih cun heh tiah aa zuam i, kaphnih hruaitu pawl a ton cuahmah hna lio a si.
Israel nih Gaza ah a um mi minung 1 million renglo cu suimilam 24 chung ah chuak dih u tiah nawl a chuah hnu in, a rannak in an chuak thluahmah cang hna. Hi kong ah UN nih cun a si kho lo mi a si tiah a ti ko nain Israel nih cun a bia a let hlei lo.
Hamas hna nih ruahloin kahdohnak an tuah mi ruangah Israel ah minung 1300 renglo an thi cang, asinain Israel nih Gaza ah Vanlawng le miakpi in kahdohnak a tuah mi ruangah Gaza ah a um mi minung 1900 hrawng an thi i minung 7696 renglo hliam an tuar.