Falam lei a bik in Zahau hringthlak chung in, an khuaruahning, an biakhiahnak tbk, unau tlangdang huatnak/ racism ruang ah Chin huap political movement ah itel duhloh in an um sual ahcun, atak ah a fakmi cu anmah lila hi an si ko lai.
Reason dang um lem loin, racism/ huatnak lungput ruang ah hawihe itel duhlo in an um peng ahcun, zeilei paoh in tumchuk lei an panh kho fawn.
Chin History a relmi nihcun kan theih dih ko i, Chin ram hi, Siangpahrang uknak chan in sau deuh von kal sehlaw, Chin ram ah siangpahrang dirhmun in, uknak nganpi a ser kho dingmi cu, Zahau Bawi hi an si.
Chin tuanbia ahhin, a rak advance hmasabikmi cu, Zahau hi an si. Fimnak lei in siseh, political lei in a si ah, uknak lei zong in a rak advance ngaimi an si i, mirang nih Falam khua hna an headquarter ah an rak hman hi, anmah Zahau an rak advance nak, influential aa tel tiah ka ruahmi a si.
Cucaah, anmah Falam lei ka hawile sinah ka chim tawnmi bia cu, pipu chan ah political lei in a rak advance ngaimi, nihin ah tthumchuk lei nan panh hi fak deuh in khuaruah nan hau ka ti tawn.
Anmah Zahau hringthlak chung in, mizeimaw upa le Mino thinlung ah, Thantlang, Hakha an huat ning hi a fak tak. Mahbantuk, phung/clan dang huatnak/ racism an lak ah a karh hi Pu No Thang Kap le CNF karlak buainak in a karh khunmi a lo. Nan ti cio ko lai.
Cucaah, Lai phungthluk ah “Nga a thumi pakhat nih ngabawm chungah a ummi vialte a thutpi dih”an ti bantuk in leader a ttha lomi pakhat ruang ah Falam mizeimaw upa le Mino thinlung ah phung dang huatnak/ Racism a karh hi an caah a poi takmi a si. Sunghnak taktak a si.
Racism lungput nih an unau a simi tlang dang he ikomh in riantuanttinak an iphenter chung paoh cu, ttumchuk lei an panh vima ko lai. Zasang Cinzah