The Lairam Times – Dated Central Lairam Lawngtlai 2024 Pur 13: East Lairam in Central Lairam Lawngtlai ah ralzaam in a ummi East Lairam thlanglei Matupi peng mi pahnih cu 2024 Pur 12 zing suimilaam 5 hrawng ah mehhang zalh aa timmi hna cu lampi ah tualchung mi nih an velh hna.

Velh tongmi pahnih Central Lairam Lawngtlai Bethel ralxaam camp ah chungkhar he khuasa mi a si i, East Lairam Matupi peng Vangkai khuami Pu Thang Lian kum 38 mi le Matupi penf Amlai khuami Pu Re Zung kum 55 mi an si.

Hi ralzaam pahnih hi mehhang zal dingin cycle in an kal i, tualchung mi minung pali nih citmi motor nih an zulh hna i Cycle cu an dir ter, biahalnak zong zeihmanh um lo in an velh colh hna, ralzaam pahnih hi an taksa ah hliam an tuar len.

‘ Annih pahnih hi cycle in mehhang zalh ah an kal lampi ah tualchung mi he i tong in an dir ter hna. An dir ter hna i motor cung cun pa pahnih an tum, zeibia hmanh hal lo in kut an thlak colh hna. Pu Thang Lian hi a haa pahnih a kiak. Pu Re Zung hi a pum puluk in hliam a tuar. An hliamhma cu an umnak camp inn ah hlop an si”.

Sual tuahtu pahnih hi nawlngeitu nih an tlaih hna i biahalnak an tuah hna. Tu bantuk thil tuah hi cu a tha lo ngai ko, tiah ralzaam camp ummi pakhat nih a chim.

‘ An pahnih in nawlngeitu nih zung ah auh in bia an hal hna. Annih nih minung kan i palh caah kan velh hna, tiah an chim. Asinain an tuahmi thil hi a tha lo, ralzaam pahnih hi zei sualnak hmanh an ngei lo, tu bantukin kutthlak ton hi ralzaam mi zeirello duh paoh in tuah khawh ding phun bantuk a lo caah cohlan a har ngai’ tiah naihniammi pakhat nih a chim.Velh tongmi pahnih Pu Thang Lian hi fa pali ngei a si. Pu Re Zung hi fa panga ngei a si. Photo: The Matupi Times

By admin

Leave a Reply

Your email address will not be published. Required fields are marked *