Hakha Le Falam Karah Drone in Kawl Ralhrang kan nawn cikcek mi hna cu Vawleipi nih hngalh asi nain Gangaw lei in a rak kai Mi Ralhrang Kawl Ralkap rual TEINAK caah Drone le Dollar kan bau ruangmang ve.
Satan cu Kawl Ngian a nei an ti bang Kawl Ralkap nih an Satan Ngian an chuak I Motor, Tank le JCB he Gangaw lei in an ra ngam ti lo. Lampi aum nain ramlak in an ra. Hakha le Gangaw Zalampi thluan an zulh ngam ti lomi cu CHIN RALKAP an ṭih caah asi. Nain Hakha Khuate tu vanlawng in an kah hna. Vantlang Malsawm Hrawngvun cu Vanlawng in an kah hna.
Chinland kan Ralnganbik MAH le Kawl Ralkap nih uknak an kan chut ah Roadmap 5 in an kal mi ah Thimhnak tuah ding aatel. Thimhnak tuah khawh lo ding an hngalh tikah le Kawlram an uk khawh lomi a ruang an kawl tikah NUG PDF CDF a bawmhtu EAOs ruangah asi tiah MAH nih ati. Chinram ka uk khawh lomi cu CNF / CNA ruangah asi tiah MAH nih ati.
NUG ruangah a tilo. CNF / CNA telin EAOs cu an cihmih asilai tiah MAH nih Vawleipi hngalh in aa hrocer. Cucu hlawhtlin ter dingah Kalay in Chinland cu an rathnawh nain Pathian nih Drone in an nawn dih hna ai.
Chanthar Meithal ṭhaṭha le Vanlawng kahnak azatawk kan ngeih ahcun MAH te Kawl Ralkap kan tei hna lai tiah zumhnak le ruahchannak kan ngeih nain Ralkapbu Bawipa nih Drone tu in teinak an ka pek.
Drone fimnak le thilri cu CDF Thantlang lawngnih azatawk an ngeih I CDFs dang nih kan ngeih tilo mi cu Tutan Gangaw in a ra mi Uirual he Hakha peng khuate dohnak ah kan hmuh khawh ciomi asi. Thing le lung kha Drone ah acan ter duh mi keimah le Khuate vangnau hi kan nep ve ti lo.
Cucaah CBCUSA, CC, Vaurawng, CDF Support team kut ah aummi Dollar poahpoah cu aran nakin (Nihin bakah) Drone ah kan siam zawk zawk a herh ko. Tuluk Palai hna cu atu le tu ti awk in MAH sinah an ra. UN Ex GS Bankimoon tiang an ra.
ASEAN le UNSC nih MAH cu an lemsoi khawh ti lo caah Suu Ywe Luat in an lemsoi lio asi. Cucu NUG nih cohlan dawh ansi caah MAH nih C3K lo cun a dang cu PEACE si ding a zumh.
Ralhrang hlun Thang Sui le Tin Sui zong an Uitlak khur in an chuak ve cang, Ramkhel khua apau an caah an ti. Federal caah khurleng an chuak asilo. Suu Ywe Luat caah Leng ah nitlang kan to anti salam ko.
C3K (Chin Kachin Karenni Karen) lakah Chinland hi ka tei ahcun Kawlram ka uk khawh cang lai tiah MAH planning cu asi. Cucaah Joseph bangin Miphun le ram caah Ramthumnak ah thlah mi Chin Phuntungtu le Phun U hna nih Drone cawknak caah Kan kenret le Bukbau chung ta Dollar in kan ṭuan ve lo ahcun MAH nih an kan tei lai.
Zungzal saal kan si lai. Cucaah MAH le Kawl Ralkap teinak cu PATHIAN, Ramthumnak um Chinmi + Na Dollar le Drone thawng lawnglawng in asi ve cang lai. Chin nih kan tei ah RALTEI asi te lai.