Donald Trump cu New York’s Manhattan court biakhiahnak bantuk tein Dec 4, ah Court biaceihtu hmai ah achuak ding asi. Manhattan Court ah hin Trump cu sualnak phun 34 in tazacuai asi lai. Trump tazacuaitu hi New York County District Attorney Alvin Leonard Bragg asi.
Cu hnu ah US cozah ca biapi taktak mi hna cu President a tuan ti lo hnu ah a inn ah aa chiah ti ruangah Trump cu sualpuhnak phun 37 in Miamia federal courthouse biaceihtu hmai ah a ra chuak hoi cang.
Classified documents kongah Trump hlathlaitu dingah Jack Smith cu Special Counsel rian an khinh. Jack nih Trump hi asual ko tiah sualpuhnak case 37 bak a chuah pi. Sualpuhnak phun 37 vialte cu Trump nih sualnak pakhat hmanh ka ngei lo ati caah Dec.11 ah Court ah chuak ding in an ti.
Dec.4 ah case 34 kongah Court a chuak lai I, Dec.11 ah Cases 37 kongah Court ah a chuak rih lai. Cu caah Trump lawyer nih Dec. 11 I Trump court date cu ni rikhiah um lo in indefinite delay kan tuah piak u tiah nawlnak a tuahmi cu Court nih a hnon piak tiah report nih alanghter.
Court nih an cohlan duhlo ahcun Trump cu zarkhat chungah voihnih bak tazacuainak hmun ah a chuak lai tinak a si hnga. Ceuuk Ceuuk