Bible chung ah cheukhat cawnpiaknak le Khrihfa nih kan i nunpi mi le kan tuahmi le kan zumhnak caah sermi doctrine kongah nihin tiang buainak tlawmpal tete le i elnak le i ceihhmainak a um lengmangmi ah hruaitu he zumtu sawh2 he buai lulh cio a si ko.
A dai te ko lai ti cu ruah lo ding. Minung kan nunchung poah cu a um ve ko lai. Bawi Jesuh chan zongah a rak um diam cang. A dik a hmanmi cawnpiaknak cu sau deuh a nguh ko lai i caan tlawmpal hnu ah a fiang tawn ko lai, kan nunnak zongah a tak in a lang ko lai.
Protestant Khrihfa dirhtu, pabik pahnih, Martin Luther le Ulrich ZwingLi zong Bawipa Zanriah hmannak kongah biatak tein i elnak an rak nei ve ko. Anmah ruangah mi tampi an rak buai ve.
1.Bawipa zanriah hi zarhchiar te hman ah maw a tthat lai zarhkhat ah voikhat lawng dah hman ding ti zong elphu te a si ve ko.
2.Laimi nih acting song kan piah lengmang mi zonghi elphu a si ve ko lai. Aruang cu Khrihfa dang nih an tuah ve lo. Mizo kan unau nih acting song an piah ka hmu bel lo. Ka philh zong a si kho men. Mirang nih acting song an piah ka hmu bel fawn lo.
3.Nihin ah kan ceih pahmi cu Bible rel tik ah a Bible cauk bak rel maw a tha deuh hnga, phone in rel ah dah a tthat deuh hnga ti zong elphu te a si ve ko. Hmual an neih ning a khat ko hnga maw ti zong. Mirang in cun “Digital Bibles le Paper Bibles” an ti. Pulpit cungah cun Bible cauk bak hi relding a si ko ka ti. I elding le ceihphu tlak chuahpi ding a tor ko lai. Saya Van Tum