Vawleicung mirum cem pa 4 nak a si cuahmah mi Bill Gates kum 65 le a nupi Melinda Gates Kum 56 hna hi kum 27 chung chungkhar rak dirh cang mi an si ko nain nizan May 3 ah khan vawleipi theih bak in an ni tthen nak kong Twitter ah langhter a si.
Bill Gates le Melinda Gates cu kum 1994 ah khan an rak i nei i tuah hin fa pathum an nei. An fale min cu Jennifer kum 25, Rosy kum 21 le Phoebe kum 18 hna an si. Tu dirhmun ah Bill Gates rumnak cu $ 124 billion a si.
Vawleicung chawleva rumnak nih chungkhar ah nuamhnak a rak chuahpi taktak lo zia cu Bill Gates te nupa cung thil tlungmi nih a fianter ngai ngai. Hawi dawt le hna nan chungkhar nan sifah ruang ah khan lungdong in um hlah, Pathian nan i tlaih i chungkhar nan i dawt ahcun cucu mirum bik an si ti kha philh bak hlah.
Bill Gates nih hin 1975 kum ah khan Microsoft a rak dirh i 1987 ah khan kum 31 mi long si in vawleicung ah billionaire si kho lak ah nghakchia bik dirhmun ah a rak dir. Tu ah hin vawleicung ah mirum bik minung panga Forbes nih an thim hna i cu hna cu a tanglei pawl hna hi an si.
1. Jeff Bezos – Amazon – $177B (United States)
2. Elon Musk – Tesla, SpaceX – $151B (United States)
3. Bernard Arnault & family – LVMH – $150B (France)
4. Bill Gates – Microsoft – $124B
5. Mark Zuckerberg – Facebook $95B (United States)
Ref : Dailymail/Forbes