JAHOVAH Pathian nih, “A ka dawmi cu ka khamh hna lai i a ka hngalmi cu ka huhphenh hna lai. An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai. Laksawng ah nun sau ka pek hna lai i ka khamh hrimhrim hna lai,” tiah a ti. ( Salm 91 : 14 – 16 ).
Cucaah cun dawh Jesuh zong nih, “JAHOVAH na Pathian cu na lungthin dihlak le na ruahnak dihlak le na nunnak dihlak in na dawt lai,’ tiah a kan ti khah. ( Mathai 22 : 37 ).
Cucu Cathiang tlinnak ding caah a si. ( Deuteronomy 6 : 4 – 5 ). Dawtmi u le nau hna JAHOVAH Pathian kan Pa a dawtmi kan si ahcun a nawl ngai hna u sih.
Zeicatiah cun dawt kan timi cu nawlngaih hi a si. ( 1Johan 5 : 2 ). Johan zong nih, “Amah nawl kha kan ngaih ca le a duhmi kha kan tuah caah kan halmi paoh kha kan hmuh. A nawl a kan pekmi cu:
A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si. Pathian nawl a ngaimi paoh cu Pathian chungah an um i an chungah Pathian kha a um. Cun Pathian kan chungah a um ti kan hngalhnak cu hihi a si:
Thlarau a kan pekmi thawngin kannih nih kan hngalh,” tiah a rak ti. ( 1Johan 3 : 22 – 24 ). A biathiang aa hrawm khomi zumtu nan dihlak cungah Thiang Thlarau um ko seh. Amen. Thank You For All, Johnly Fambawl