CNF/A kan pale nih a tukum lawng hi CBCUSA le Chin Churches sinah bomhnak an halmi a si lo, tuan tein an hal peng cang hna nain, an ruahnak bantukin zei huaha bomhnak pek an si bal hna lo.

Local Church nih nan 1% tal hun kan bawm tuah uhlaw tiah bomh an rak hal len hna nain, a bawmtu church cu kutdong khiah zat hmanh aa si rua lo.
CBCUSA nih a luancia kum 3/4 chung ahkhan kumkhat ah dollars 20,000 (thongkul) hrawng an rak bomh rua hna, Rev Dr Thlaawr Bawihrin GS a hun si lio ahkhan kumkhat ah $60,000 (thongsawmruk) hrawng in CBCUSA admin’s nih a bomh rua.

Camp victoria I families pawl inn tete saknak caah CBCUSA ramchung khrihfabu nih inn khat a sak piak na, inn 2/3 tibantuk in a sak piak na kan rak si hna, a ngaingai ti ahcun tutan khrihfabu sinah bomh an halmi phaisa kan thawhmi zong hi hriamnam cawknak ah tibantuk rumro in ruahnak kan ngeih lo ding hi a biapi ngai hnga, hriamnam cawknak loin a dangah hmannak ding a tam tuk ko dahkaw!!

2021 chung khrihfabu nih kan rak thawhmi vialte zong kha a dang tein phaisa a tawlreltu le a kengkawi tu an um hna, Pu CungBik Zaathang khi khrihfabu nih kan thawhmi a kengtu zong a si rua dah, Chinland Club meeting hna hi rak kai cio khawh I zuam hna usihlaw CNF/A caah phaisa kan thawhmi le kan hmanning tibantuk hna hi kan I fiang deuh ngai cio hnga!!

CNF/A nih thlakhat $100 an kan timi te khi tho kho dih cio hna usihlaw, kạn khrihfabu va hnorsuan len zong a hau hnga lo tiah ka ruah.Salai Tial Hmung Duh Cung Lai Kam

By admin

Leave a Reply

Your email address will not be published. Required fields are marked *