Buan Co Maw Bual Co. Thaizing cu kan miphun ni(CND) a si. Ramthumnak a ummi hna belte nizan zarhte ni kha a tam deuh nih an tuah men cio lai. CND a thaizing i Online chungah kan hmuh bikmi cu paih a si. Ca in kan rel bikmi le kan hna in kan theih bikmi zong “buan co“ timi biafang a si ve.
Buan Co Maw Bual Co: Buan a co timi “buan co“ biafang hi holh pial a si rua tiah ka ruah. Asinain, tuchan mino nih an hman ngaingai fawn. Kei hi paih ka thiam lo pinah bawlung chuih ka uar tlukin paih ka uar ve lo caah ka palh kho men. A theimi le a hngalmi nih kan chimh ulaw, paih kongah bia a chim tawnmi hna le ca a ṭial tawnmi hna nih theih cio in zulh cio hna seh law a ṭha tuk hnga. Zeicahtiah, kanmah lila nih kan holh le kan ca kan vaihvuanh tuk tawn.
Paih Buan Le Paih Bual: Keimah kaa fianning ahcun, paih a umnak hmunah minung an i paih khi kan pupa nih “paih buan“ an ti i, an i paihnak hmunte khi “paih bual“ an ti tiah kaa fiang. Mah an i paihnak ah a donghnak mi a teitu hna khi “bual a co“ an ti rua i, “buan a co“ an ti rua lo tiah kaa fiang fawn. Asinain, tuchan ah “buan a co“ timi ka theih lengmang fawn. Perhkalh Thawng