Thantlang ah SAC ralhrang nih CNA le CDF kan pasalttha hna cu fabuary ni 25 chun ah vanlong in bom voi nga hrawng an thlak hna tiah theih asi. SAC ralhrang hna bom thlak nak ruang ah CNA ralkap Salai Zakhariah le CDF ralkap Salai Lian Bawi Ceu nih ram le miphun caah an Nunnak an pek tthan.
SAC ralhrang nih fabury ni 25 zingka ah Jet fighter hmang in heh tiah bom an thlak hna hlei ah zanlei zawngah Helicopter in voi 15 hrawng bom an thlak hna tiah theih a si. Kan theih dih cio bang in kan hnunglei ah kan pasalttha rual hna nih Thantlang palek sakhan an lak i meithal zuun 40 leng ah an rak chuh hna.
Mah ruangah SAC ralhrang pawl cu an lungfah an celh lo tuk caah cunglei in vanlawng he vai tam taktak kan pasaltha hna cu bom an thlak cang hna. SAC ralhrang hna cawlcangh ning zoh tik ah Thantlang khuapi cu vutcam ah canter dih an timh taktak cang ko rua.
Ram le miphun caah Nunnak petu CNA ralkap Salai Zakhariah le CDF ralkap Salai Lian Bawi Ceu nan miphun nih upatnak sangbik kan nin pek hna. Nan Thisen man cu alak a si hrim hrim lai lo.