Ralkapbu Bawipa Pathian nih David bantukin CNA CDF cu a hman hna caah Kan Ralpa Kawlte Ralkap cungah TEINAK cungnung kan hmuh. Suimilam 6 lamkal asimi Kalay Hakha cu Ni 40 an rau nain Hakha an phan khawh rih lo. Pathian Kutcak thawngin kan tei thluahmah ko hna. Pauchuak Dohthlennak aathawk tirin Raldohnak kipah Pathian thawngin Kanmah nih kan tei zungzal ko hna nain Tutan bantukin kan tei bal rih hna lo. Hmailei ahcun Hinak fak deuh in kan tei cang hna lai, achan cu Kan Pathian nih ral an kan doh pi caah le Ramdang um Chin Laitlai hna nih Chinland caah lungtakin / Miphun ah lungfak ngaiin kan ṭuanman cu David Ṭawlṭang bang BP nih a hman.
Nihin 2023 April 16 tiang, Bawipa nih kan ralhna cungah 57600 minutes chung teinak an kan pek. Second 3456000 chung kan ral kan hremthat hna. Tanks 2 le Motors kan hrawk dih, Kawl Ralkap zaaleng mithi khua viza ka tuah piak hna. 50 leng cu fak ngai in hliam tuar buin Chuncung ah thih lai bawh in an um ko. Kawl Ralkap 40 cu CNA CDF hmang in Bawipa nih a chimhrin hna lio asi. Keimah KHRIH le Krifabu nan hremh ti lai maw, Nan hremhmi Jesuh ka si tiah a ti lio ve hna.
Kawl Ralbawichip MAH nih a tuak mi cu: Tutan Chinland kantei ahcun Pauchuak Dohthlennak ka tei cang tihi asi. Hmun dang nakin Chinland hi an namh deuh. Rakhine le Shan ram ummi Kawl Ralkap le A sual bikmi Ṭatma le Battalion cu Chin ah an rak thlah hna. Chinland cu Man cikcek in tuah uhlaw, Pau Dohthlennak dih rawh seh tiah an duh nain anmah thihloh nak le sunghnak ah Pathian nih an kan thlen piak. Zumtu hna Rawl ulh thlacamnak cu Pathian nih thluachuah a pek. AMEN.
Chinland hloh in Pau Dohthlennak tei awkah Kawl Ralkap hi Lam 3 in an kai. Matupi le Mindat Kanpelet ah TEINAK an hmuh ve nain Hakha – Falam kar tlukin a turu lo. An Leilawng le Tank a dih. An minung cihmih deng tiangin Bawipa nih an kan tei ter hna caah Chinram Hmundang le khuadang cu him tein in kan um dih khawh ve. Tutan tei hlah usih law, Khuafo le Webulla bangin Chinland Khuadang zong an kan tuahto khawh mi asi. Ni 6 Lamkal kha Ni 40 kan hrem hna. Ramdang um Chin Laitlai Unau hna thawngin Pathian nih kan ruah bang lomi TEINAK an kan pek. Halleluiyah Amen ti cio usih.
Falam Kan Unau CNDF nih Vaar Sakhan um Kawl Ralkap cu an hraw dih, man cikcek in an den hna caah an thazang a der chin in an ṭih tuk caah TEI an fawinak zong an si. CNDF nan ti ṭha tuk Pathian nih teinak I pek chin hna seh, Miphun le ram luat hlan tiang in tiah Pathian thlawchuah kan pek ve hna. CNA CDF nih Hakha le Falam karah Fak piin an doh hna lioah Vaar nan doh mi Tactics le Strategic Planning cu a mak ko. Kaya le Chin tbk fak piin an doh ah Kawlram hmun dangah fak piin an doh khawh ve ahcun Tutan bantukin kan tei peng hna lai.
CDFs kip nih CNA he I bawmhin le CNA command tangah raldoh khawh zungzal ahcun TEINAK kan hmuh zungzal lai ti hi Proaction Theory le Universal truth bak asi ko. El duh hlah uh. Kalay – Falam – Hakha: Gangaw lamlei, Kyaukṭhu – Mindat – Kanpelet tbk ah CNA command tangah CDF vialte nih a hlan kan tein kan tei zungzal hna ahcun Chinland le Chin mipi kan him dueh lai I TEINAK kan hmuh zungzal lai tiah ka zumh.
Raldoh khawh ngaingai mi Rallokap thazang hi 100000 or 90000 lawng asi lai. Ṭatzing pakhat nih raldohnak an kal tikah an thlahmi Kawl Ralkap thazang cu 90 hrawng lawng ansi. (CDMers le U Than Soe Naing). Tutan CNA/ CDF le SAC he Hk – Flm raldohnak ah kan nawng mi hna hi Ṭatzing 3 hrawng tinak asi. Ṭatzing 3 fonh nih an tei lomi Chin Ralkap ah PATHIAN nih an kan siam. Ni 40 Raldohnak ah Ṭatzing 3 cu 40 hrawng lawng an tang cang. Kan hloh cikcek hna. Tanks Motor Hriam Kuan Bomb tampi relcawk lo a phunphun kan hrawk dih ko.
Kawlram Pumpi in Raldohnak kan thawk ni cu kan tei ni asi tiah ka zumh ko. Zeiruangah dah Kawlram pumpi raldoh awk ah NUG nih an thawk lo timi a ruang cu kan hngalh lo nain ka hngalh cikcek mi pakhat aum. Kawlram pumpi tein SAC kan doh khawh ni khi cu TEINAK Victory Overcome nih an kan hngak ko tihi as. Ka zumh mi KRI ka hngalh bantukin asi ve.
Chin Ralkap nih Hk – Flm Karah nunnak le thisen pekchan in le Innlo le khuaram tampi ciamh viar in SAC kan doh lio ah Kawl Khualipi tampi ah Water Festival cu hlunghlai ngai in an tuah. Rakhine, Shan, Mon le Kachin ah an tuah ve. Rakhine ah an tuah mi Water Festival ko hi a hlunghlai khun. AA nih anven hna I Security an lak piak hna. SAC min in siloin AA minin Kawl Kumthar asimi Titoih puai cu hlunghlai ngai in an tuah. A tuah mi ka mawtchiat hna caah asilo. Kawlram pumpi raldoh kan thawk rih lo ti belte Hngalh pi tu (Tehte khantu) asi ve.
NUG nih Thingyan ah kal hlah uh an ti. AA le SAC nih hlung hlai ngai in an tuah chih. PDF LDF UG nih SAC Mandat cu Bomb an puak hnawh na, an kah na, asi. Piosawṭhi le USDP, Rallokap minung le Bawma hna tampi kan thah hna tiah thanhcaa an chuah ko nain UN Geneva le International law nih Mipi nan thah tiah sual an phawt hna. MAH te SAC Le Kawl Ralkap nih NUG le PDF LDF UG nih Meeting an tuah tiah a ruahnak Pazici le avelchum cu Jet Fighters, MI35 in ankah ve. 170 leng an thi. Ngakchia 50 leng, Nu le tar zong an thih ve. Khuafo le Webulla khua zong hramhram in a kah ve. UN le Geneva nih nan phu hnih in mipi nan thah ko hna tiah an mawtchiat veve hna.
Culio thengmang ah The Times Magazine, USA nih Vawleipi ah alaar bikmi minung 100 an thimh hna I MAH aa tel ve. Sual nak ngeihlo mipi tampi cu Jet Fighters le Helicopter in a thah khawh hna I Khuapi le innlo relcawk lo meiduah tu asinak tehte ah minchiatnak medal an pek. Mualphonak le thiamlo coternak medal le laksawng an pek mi asi. Lohtlau Fapa MAH.
Lai asik asimi Kan Unau Falam CNO / CNDF cu Kum 2nk tlinnak Anniversary cu Zoom in an tuah. AA Khuazing Gen. Twan Mrat Naing cu Khual lian ah an sawm. NUG Vuanci zong an sawm. Pathian thawngin tluang tein an I lim. Pazici bantuk an si lonak hnga thla kan cam piak hna I Pathian nih kan PRAY a ngai. Hakha Thantlang le Falam hi LAI ah a sit bak Kung cung hmin cu kan si hna. An hlawhtlinnak cu Pu No Than Kap capar in hmuh khawh asi. CNA tu cu an kan sawm lo tiah an ti.
Cakei hawikom hna cu Cakei fimnak le sawmtuk nak ah an kal lo. An pu le bawipa cakei le an chungkhar caah zuunngaih nak an langh ter. Tirawl eilo, hmai phiah lo, Sathau thuhlo, aleng chuak loin Innchung ah. CNA / CDF nih Nunnak le thisen pekchanh in le Innlo khuaram relcawk lo ciamhnak he raldoh lioah puai tuah tbk hi cu aa palh kan ti lo nain Unau karlak ahcun Hrial I zuam cang usih. Unau si cu kan duhlo kan ti zongah duhthim khawh asi lo. Thisen / Cikawr in asi. Na duh lo zong ah LAI thotho CHIN thotho.
Tutan Hk – Flm Raldohnak ah Chinland caa nunnak pekmi vialte siseh, Cuhlan nunnak pekchanh tu vialte siseh, Kutke Mit, Pumsa cu ram le miphun caah a pek caah Pum tlamtlin lo asimi Phun U hna sihnaseh, Innlo tampi ciamh mi sihna seh, Khuachia Satan Kawl Ralkap nih Vanlawng in an kah caah Chinland caah nunnak pek tu vialte sinah, Hi ka capar in Upat nak le sunparnak kan pek hna. Nanmah thawngin Za Uk Pennak a tlung cang lai nain cazin nan bau mi belte hnakruhno aṭamh ko, Lungdo hma he khuasa asi lai Chanchung.Saya H. Rung Kaw