A rawk i a king cangmi Thantlang khuachung ah thlakmi CNA Bawino Salai Elishama le Mai Ṭha Tin Sui, Pre Wedding hmanthlak dawh tete. Kan in lawmhpi hna Salai Elishama & Mai Ṭha Ṭha.
Chunglei in a chuak mi dawtnak taktak cu zei bantuk harsatnak le thinphang thlalau nak hmanh nih a kham kho lo.
Ralhrang nih an kan khangh piak mi Thantlang khua chungah kan CNA pasalttha Salai Elishama le Mai Tha Tin Sui hna Pre Wedding hmanthlak nih mipi lungthin akan lak ngai ngai.
CNA pasalttha Salai Elishama le Mai Tha Tin Sui a nung kan biak mi kan Pathian nih ram le miphun rian nan ttuannak ah lam in hruai in umpi peng hna seh. Cun kan Pathian nih tefa ttha thlawchuahnak inpek ko hna seh.
Thantlang SAC Ralkap Riahcaw Chiahnak Drone In An Kah Caah A Kang. Chin ramkulh, Thantlang um SAC ralkap hna ca ah helicopter in phurhmi riahcaw hna cu February ni 26, zanlei ah CNA le CDF nih drone in an kahpiak hna caah a kang tiah theih a si.
Cu ni zanlei suimilam 3:00PM hrawng ah SAC ralkap nih raltuknak vanlawng 2 le Mi-35 helicopter pakhat hmang in Thantlang khuachung an kah, cu hnu ah Mi-17 thilphurhnak helicopter nih riahcaw a chanh hna tiah theih a si.
Thilphur helicopter nih a chanhmi hna riahcaw cu Chin ralkap nih drone in an kah caah an riahcaw a dihlak ti tluk in a kang, caku bawm box khat lawng SAC ralkap nih an thiar khawh tiah theih a si.
Riahcaw fun an kangh lioah meithalkuan a si lai tiah zumhmi a puak.
Riahcaw a chantu SAC ralkap helicopter Mi-17 cu hliamh a ton caah a khu tom he Hakha lei ah a kir tiah theih a si. Cu ni zanlei ah SAC ralkap nih raltuknak vanlawng hmang in Thantlang khuachung an kah lioah inn 8 hrawng a kang tiah theih a si.TCP