C.Ronaldo nih Morocco ah tulio lihnin ruang ah harnak a tong mi hna a bawm hna. Tulio Morocco ah lihnin cu mipi nih kan thei dih cio ko lai. minung 2000 reng lo an thi i minung 1400 nih hma an hmuh cang
Cu caah Ronaldo nih Morocco ram ah angei mi “Pestana CR7 Marrakech” timi hotel cu lihnin ruang ah hma a hmu mi le harnak a tong mi hna I idin caah hman ding in Ronaldo nih nawl a pek hna.
Morocco Ram Lihnin Ruangah Nunnak A Liammi Cu Minung 2000 Leng An Phan Cang! Morocco ram lihnin ruangah a thimi cu minung 2000 an phan cang. Hliamhma fak a tuarmi hi minung 1400 hrawng an um rih.
Mithi ruak hi hmuh chap lengmang a si caah mithi hi an karh lai, tiah zumh a si. Morocco siangpahrang Muhamed VI nih cun, an ram i a tlungmi kokek chiatnak cu nithum chung ngaihchiatnak kan langhter lai a ti.
Zarh hmasa cawnninga ni ah khan Morocco thlanglei Marrakech le a pawngkam ah 6.8 manigitude in a faakmi lihnin a chuak i, lihnin ruangah hin a rawkral mi a tam ngai. Lihnin aa thawknak High Atlas Mountain in KM 350 kauh chung ummi nih an theih khawh.
Al Haouz province cu lihnin a tuar bikmi an si i, minung 1293 an thi, Marrakech le hmun dangdang zong ah a mithi an tam. Inn tampi a rawh ruangah minung thong tampi cu umnak ngei loin lamkam ah khua an sa hna. Eidin kongkau zongah harnak an tong cuahmah cang.
Cawnninga ni zan i lihnin kha kum 100 chung ah Morocco ram i lihninh fak bik a si i, a luancia 1960 kum ah 6.7 magnitude in li a rak hnin bal cang. Cu tan ah cun minung 12,000 leng nunnak a rak liam i, Morocco ram tuanbia ah chiat an ton a fah bik tan a si.
Ram ṭhawngṭha hna nih Morocco cu bawmhchanh ding in an i timhtuah kong an thanh i, US le Israel pinah Turkey, Spain, France le Germany zong nih an bawmhchanh lai kong an thanh.