Nihin 2 May 2023 zingka nawn ah khan Uico phu ralhraang hna nih cun Chuncung khua cu vahcap khangh in an khangh tthan i theih khawh mi ah,Gospel Khrihfabu Biakinn telh chih in inn 14 cu an khangh tiah theih a si.
Chuncung khua mi hna nan miphun nih thlacamnak in kan in philh hna lo,a tu nan temtuarnaak hi Chin miphun dihlak nih kan temtuarnak a si i kan miphun le ram thatnak caah Bawipa nih canter hram selaw,nanmah zong a rauhhlan ah inn ttha le lo ttha in pe ko hnaseh.Tuarpinak he.
Thawngpang dang relchap- Thla Khat Chung Ah SAC Ralkap Nih Mindat Ah Vanlawng In Kahdohnak Voi 19 A Tuah
2023, April thla khat chung ah SAC ralkap nih Mindat peng chung ah vanlawng in kahdohnak voi 19 a tuah ruang ah kum 4 ngakchia pakhat telh in sualnak ngei lo tualchung mi 3 an nunnak a liam, 9 nih hliamhma fak an tuar tiah CDF-Mindat nih May 1 ah cathanh a chuah.
SAC ralkap nih vanlawng hmang in dohnak a tuah ruang ah le hriamngan an hman ruang ah tualchung mi hna umnak inn 11, biakinn 2 le sianginn 1 tiin inn 14 a rawk, April 25 ah SAC ralkap nih tualchung mi 3 an tlaih hna tiah an thanhmi ah cun an langhter chih.
Cu pin ah SAC ralkap le Chin hriamtlai CDF-Mindat kar April thla chung ah kahdohnak voi 5 a cang. Cu kahdohnak chung ah SAC ralkap hna cu CDF-Kanpetlet, The Youth Force(Saw, Kyaukhtu) phufonh nih an bawmh hna.
April thla khat chung ah kaphnih kar i kahdohnak voi 5 a cang, cu kahdohnak chung ah cun SAC ralkap 20 leng an thi. CDF-Mindat in ralkap pakhat nih hliamhma a tuar tiah Chin Defence Force – Mindat nih May 1 ah cathanh a chuah.TCP