Chinlung Chuak Artist USA ra mi hna cu Mizoram lei kir in Delhi dam te in an phan. US an cam chung Khrihfabu le Pumpak nan dawtnak hna donglo in a chim I kei zong Ka lai Miphun nih a kan dawtu cung I dawtnak nan langhter thiam ning ka hmuh tik ah ka lăwm taktak, ka hmaihngal, Kai lunghmuih I nan cung le Chinlung Chuak cung ah kai lawm tuk.
Kan Ram le kan Miphun caah a lam kip I kan tannak hlawh a tling ko ti hi ka hmuh i Bawipa ka thangthat. Khrihfabu le Mipi nih nan pekmi Dihlak hi $122,164 asi.
Hmannak vialte kan van zuh hnu ah hiti ning hin then phawt a si. Mizoram HIV caah $24,000. Ralzam HIV caah $30,000(Hihi Chin Health Organization) Dr. Nu Mang te sin ah kan kuat lai.
Chinlung Chuak arami Minung pa 10 an si . An thabaat man laksawng Thông 3 cio te kan Pek ve hna i a leader CZ tu kha Thong 6 laksawng kan pek.
An hmuh mi chung in , Manipur caah India Ting 3, Lawngtlai Lai IDol caah India ting khat, Aizawl Harsa caah India Tingkhat , Hakha CDF topizan $ 1,000, Tlanglo bawm thlak lio tuarpinak $500 hi bawmhnak Pek cang mi le pek ding mi an si.
Minung Pa(10)Chinlung Chuak Artist hi an tam pah ve caah Umkalnak le hmanmi zong a dih ngai ve ko na in Kạn Miphun caah Thluachuah kan i ham i Dawtnak thlaici kan tuh mi a si, cun khat lei kam ah Mizaw caah hi vialte Phaisa an kan hmuh piak
Anmah zong an Ba ngai ko na in anmah US Mizo lei siseh Laimi sin in siseh Dawtnak laksawng tampi he an tlung ve i an i lunghmuih tuk. Kap 2 caah thiltha tuk mi Bawipa nih hi Program hi a kan khan piakmi a si ti hi ka ruah mi a si.
Kei zong Thla 3 renglo chung ka Zohkhenh,ka tuaktan pi ve hna i ka van baa deng tawn na in “Ka Miphun caah ka ti khawhtawk te si ve” ka ti i ka thinlung ai nuam than tawn,
Tutan kan khual hi Mizoram ah anmah le an zawn cio ah Top 1 lawng te an si na in an i uah lọ , an fel tuk , an thinlung a thiang tuk hnai i,Dawt an i hlawh. An Kạn tlun tak cu Kạn king tuk, kan ngai tuk manh hna.
Chinlung Chuak Team Concert kan tuahnak poh ah Minung tam lei zong in Reccord kan break ti kha kan kalnak hna nih an kan chimh mi a si. Miphun karlak ah Dawtnak hri kan temmi Bawipa nih Thluachuah a Pek ko.Can in siseh ngeihchiah in siseh Bawmtu Khrihfabu le Mipi vialte Bawipa tu nih a let tampi in Thluachuah in pe ko hna seh. Crd: Sailo Nu