Chin ramkulh, Mindat ah nizaan July 30 ah kahdohnak voi hnih a chuak i cu kahdohnak ah cun SAC ralkap 8 an thi, tiah CDF-Mindat nih nizaan July 30 ah an thanh.
July 30, zinglei suimilam 7:25 ah Mindat hrambunh khah lah yiah 274 pawng ummi SAC ralkap hna cu CDF-Mindar nih an va kah hna. Kahdohnak ah SAC ralkap 1 a thi i, CDF-Mindat lei in ralkap 2 hliamhma an tuar.
Cu ni ṭhiamṭhiam zaanlei suimilam 3:40 ah Mindat khuachung sang pakhat ah ral vennak a tuahmi SAC ralkap le palik nih an zulhmi motor pakhat cu CDF-Mindat nih an kah ṭhan hna i SAC ralkap 7 an thi.
SAC ralkap a thi mi ruak le hliam pumi hna cu motor in an kalpi hna. SAC ralkap motor le hriamnam cu kan la kho lo, tiah CDF-Mindat nih an thanh. The Chin Post