CDF-Senthang In Ralkap Pakhat Nih Ram Le Miphun Ca Ah A Nunak A Pek. Chin ramkulh, Hakha peng Senthang ram ah a cawlcang i hramhram uknak a dohtu CDF-Senthang in ralkap pakhat nih ram le miphun ca ah a nunnak a pek tiah theih a si.
Hramhram uknak doh le a hram in bongh ding in rian a ṭuan cuahmahtu Salai Khua Hmun Thang nih ram le miphun ca ah a nunnak a pek, tiah CDF-Senthang nih April ni 9, ah cathanh an chuah.
CDF-Senthang an cathanh chung ah Salai Khua Hmun Thang hi ralram a kal lioah maw a thih i, zeiruang ah dah a thih ti cu an langhtermi a um lo.Pau dohthlennak ah nunnak a petu paral ṭha Salai Khua Hmun Thang, upatnak sang bik kan in pek.
CDF-Senthang ralkap Salai Khua Hmun Thang nih a tantakmi a chungkhar zong kan in tuarpi hna in kan in ngaihchiatpi hna, tiah CDF-Senthang nih an cathanh ah cun an langhter.
Chin ralkap Salai Ṭha Khar nih, ralram hmun pakhat i kahdohnak nihin Apil ni 9, ah ram le miphun ca ah a nunnak a pek! Na Chin miphun hawi nih upatnak sang bik kan in pek! Nan thisen man hi kan Pathian nih alak si ter hrim hrim lai lo. Nikkhat khat ahcun teinak kan hmuh te la.