Ka miphun hoi hna,mah ka ttial mi hi na ruat bal cang maw?HI ka ttial mi hi kum 2021 lio i ka ttial cang mia si.Kan miphun chung hin miphun dang uar deuhnak ah na zuangzam maw?Chin miphun hin padang nai duh maw?Kan miphun hin nudang dah nai duh,?ti hi bia tlangpi ah ka van hman.
Kei Ka Caah Ka Nupi A Ttha Bik i,ka nupi nak ttha ka hmuh hna paoh ahcun zuangzam le nupi cung nuduh khi ka si hnga.Nungak dang or nudang cu,mah nu cu aa ai dawh ngaingai ti mi khi cu kan ngei kho men,sihmanhselaw nupi caah cun ka duh lem hna lo caah ka nupi cu tthen lo in nupi ah ka ngeh peng ko caah,ka nupi cu ka caah a tha bik mi a si ko.
Chin miphun nih hin Miphun dang hriamtlai phu pawl le an hruaitu hna kan mit a vathiit khi cu,zuanzam bia deuh a si i,miphun ah lung a fek lo mi,lungrep a ngei lo mi ,Khuaivah bantuk lungthin a ngei mi kan si ti a langhnak phun khat a si.Chin miphun hi,Pathian nih a duhte in a kan ser mi miphun kan si.Kan mah le kan mah kan idirkamh ding a si.Kan mah le kan mah kha kan iconghlomh i kan ilaang coih awk a si.
Chin miphun nih ralkap dang kan ngei hna lo,CNF/A lawnglawng hi Chinmi hna nih Chinram le Chin Miphun caah kan ingeih mi hna kan ralkap CNF/A an si.CNA/F hna cu,Vawleipi zong nih Chin miphun aiawhtu an si ti cu an theih mi le an cohlan mi an si,CNF/A lawng an si.Cucaah,KIA Chairman e,KNU President e,AA President e a tha,kan duhbik tibantuk in lungput kan ngeih i kan holhka in kan chim peng mi nih miphun dnag sinah kan miphun limhaang a zorter ti hi kan ifian a herh.
Delhi ah Zakhan pa pakhat le Kachin nu pakhat nih cun,Chin mi nan ralkap bawi pawl hi cu an ifittuk,khua ruah an thiam,ipalh lo te in a tutiang ram caah an cawlcaang kho peng mi hi upat kan peek tuk hna.Ralkap lei ah hin nan thazaang cu tam hmanh hlah selaw,nan hruaitu hna hi ram thawngpaang kong a thei mi le rampi phunghram le ihruai ning a thiam mi lawngte an si mi hi,Tlangcung dang zong nih kan in zohchun mi hna nan si e,an ti.
Kei ka caah cun miphun hriamtlai Chairman vialte nak in, CNF?A, Chairman, Pu Zing Cung hi ai dawh bik i a ttha bik ko. Cun, Hriamtlai phu dang an ralkap Bawi vialtenak in, Pu Solomon le Pu Htat Ni, hi an tha bik ko, hriamtlai phudang bawi nih ka mitlung an tlinh lo,ka mitlung a tlinhtu hna cu,CNF/A kan bawm pawl lawnglawng hi an si.
Cubantuk tthiamthiam in,Miphun dang hriamtlai pawl an ralkap naak in kei ka thinlung le ka mit ahcun,Chin National Army le CDF/CNDF Pawl hi an ttha bik i an i dawh bik ko hna.Kan pasalttha hna caah thlacamnak in bawm peng hna usilaw,thluachuah halpiak peng han usih,Chin Pasalttha hna “Bawipa nih thluachuah pe in lam hruai zungzal ko hnaseh.
Laimi Kan pupa hna zungtluk/Phungthluk;”Lam pawng thingpi cu an soi lengmang i a thi.Cubantuk in Banhla an ciin mi cu an forh/thangthat lengmang i thlar tampi a vui e,an ti.CNA a bawmtu na si lo hmanh ah,A sawiseltu le a dohtu cu si lo i tim law kan miphun nih thluachuah kan hmuhnak zong a si lai.TDT