Pu Darphunga (L) leh Pi Vanhnuaichhingi (L) te fa 8 zinga naupang ber dawttu ni tura kum 1944, July ni 13 a piang MNF President leh Chief Minister Pu Zoramthanga politics zinkawng ţhenkhat te.
1. Zoram in zalenna a sual ţan tirh kum 1966 khan a College kalna aţanga chhuakin MNF movement a zawm a, Run Bung Area Secretary ah kum 3 chhung a awm.Zoram zalenna tur leh mahni nunna thap a MNF a zawm tirh hian kum 21 mi chauh ala ni.
2. Kum 1969 ah East Pakistan a an awm laiin Secretary to President, MNF ah a awm a, he hna hi kum 7 chhung a chelh a ni.
Mizoram in zalenna a sual vanglai taka Secretary to President hna a chelh hian Kum 25 mi chauh a ni.
3. Kum 1979 ah kum 35 mi chauh niin MNF Vice President atan thlan a ni.
4. Kum 1987 a MNF Sorkar ah khan kum 42 mi niin Finance Dept leh Education Dept enkawltu Minister a ni.
5. Kum 1990 khan MNF President atana thlan a ni.MNF President a nih hian kum 46 mi chauh a ni bawk.
6. Kum 1998 Mizoram Assembly election ah MNF chu chakpuiin Mizoram Chief Minister 5 na atan lakluh a ni.
7. Kum 2003 Assembly Election ah MNF chu Mizoram inthlanpui ah chakpui lehin a term 2 na atan Chief Minister anih chhunzawm.
8. Kum 2018 Mizoram inthlanpui ah MNF chu chakpui lehin Mizoram Chief Minister ani mek a ni.
9. Mizo Hnam Movement History (History of the Mizo Nationalism Movement) lehkhabu a ziah chu Mizoram a lehkhabu hralh kal ber record siamtu a ni.
10. Ram leh hnam tana inpumpekna hla ropui , “Kan Zoram ah Lal Krista Kraws”, tih hla phuahtu ani bawk.
11. Pu Zoramthanga ropuina chu midang a sawichhe ve ngailo hi a ni.
Kum naupangte ni chunga Mizoram zalenna tura mahni nunna hlan huam a fehchhuak Pu Zoramthanga hi vawiin thlengin Mizo Nationalism meichher chhitu pawimawh ber a la ni.