(1) Abram nih Melkhizedek a pekning Abram nih Melkhizedek a pekning cu Pathian nih a hal caah a si lo.Nawlbia ning zongin a si lo.Amah lungtho tein a pekmi a si(Gen.14:20).A pekmi thil cu
Abram nih ral a va teinak in a va lak mi hranchaw chungin a si. A dang a ngeihciami thil chungin ti a chim lo.
(2) Jacob nih Pathian sinah chiatserh in Kan peklai tiin bia aa kammi cheuhracheukhat (Gen.28:20-22)
Jacob cu a u Esau tih in a zamlio ah Pathian sin ah,”..ka pa sinah him tein na ka kirter ahcun, na ka pekmi thil vialte cheuhracheukhat kan pek lai, tiin chiatserh in bia aa kam”(Gen.28:20-22).Pathian nih a biakam cu aa tlaih.
Jacob cu Israel tiah min thlen a si. Jacob(Israel) nih fapa 12 a ngeih hna.An pa Jacob chiatserh biakamnak cu an phunningpi (Israel miphun) caah cheuhra cheukhat cu pek hrimhrim dingin Sinai tlang Nawlbia ah Pathian nih a khumhpiak hna(Levi.27:30-34).Cucaah, cheuhra cheu-khat pekding Nawlbia cu Israel mi hna caah a si.(Levi-27:34)
Kan nih Jentail mi nih pekding in bia kan i kam velo caah cheuhra cheukhat cu kan nih Jentail mi caah pekding Nawlbia a si ve lo.Jentail mi nih nawlbia kan ngei ve lo.(Rom.2;12,14) Israel mi nih cheuhra cheukhat cu an pe kho ne maw?
Cheuhra cheukhat an pekhnga dingmi cu–(1)Pathian pekmi thil vialte chungin (2)Lo le dum thilchuak vialte chungin (3)Satil hna chungin (Gen.28:22,Levi 27:30-32) a si.
Israel mi nih an pek khawh naisai tunglo caah Pathian nih a cawh hna i,”ziah nan ka hlen?ziah nan ka deh? a ti hna(Malakhi 3:8-9)
( Jacob (Israel) nih chiatserh in pekding bia a kammi an pekkhawh hleng tunglomi cu,kan nih Jentail mi nih kan pekding Nawl bia zong a si ve lomi nih,Nawlbia ningin pek kan i timh ve sual ahcun bialo te kan si ve ko hnga. Nawlbia ningin a hohmanh nih cheuhra cheukhat cu an pe kho bal lai lo).
Nawlbia cu Cross ah a donghter cang “Khrih nih Nawlbia cu a donghnak a phakter cang (Christ is the end of the law) (Rom-10:4)
Nawlbia ah khan kan thih cang caah, Nawlbia khan kan luat cang”(Rom.7:6). Khrih a rat hlan cu Nawlbia nih khan a kan uk.
Atu cu zumhnak (Khrih) kha a phak cang caah Nawlbia nih a kan uk ti lo”(Gala-3:24-25) “Judah phung kha a nawlbia vialte le a phunglam vialte (the law of command ments) he khan a hrawh(Eps-2:15), Vailam cung a khenhchihnak thawng khan.(Colos-2:14)
Cutucun, Khrih nih vailam cung i a thihnak thawngin Nawlbia hlun vialte cu a donghter cang i, Nawlbia in a kan luat ter. Cu caah,Israel mi zong nih phung hlun Nawlbia in an luat ve cang.An chiat- serh biakamnak chungin an luat ve cang.
(3) Zeitindah Pathian caah kan pek kun lai?
1.Jesuh bia ningin “Pe law, pek na si ve lai (Give,and it will be given to you) (Luke-6:38) “Pek lei ah hin hmuh lei nakin lunglomhnak a um deuh” ( Lam.20:35)
Cucaah,Pathian ram caah cun pek khawh chungin pekding a si.Pek nun a pemhcangmi hna nih cun a zat (cu zat, kha zat) ti an tuak ti lo.Bawipa caah pe loin an um kho ti lo.Pek nun pemh kan herh.
2.Abram nih Melkhizedek a pek bantuk in Micheukhat nih cun, “kei cu cheuhra cheukhat hi phunghlun Nawlbia ningin ka pe lo
Abram nih amah lungtho tein, Melkhizedek a pek babtuk in ka pek ve” an ti men ko hnga.An pek khawh tak ahcun a tha ko.(Asi nain cheuhra cheukhat taktak cu an pe kho tak hnga maw?) Crd: Jnomang