Sagaing ramtthen, Inraw myo ah a um mi Sayamah minung pathum hna cu ralhrang nih nawl ngeihnak an lak hnu in CDM an tuah. CDM a tuahtu sayamah minung pathum hna cu tuni ah ralhrang nih thih hlan lo thongtla ding in biachah nak an tuah piak hna tiah Lu Nge Khit nih a chim.
Ralhrang nih thih hlan lo thongtla ding in biachah nak a tuah piak mi sayamah hna i an min cu.. Daw Ting Hlah, Daw Khin Pih Pih Thun le Daw Aye Aye hna an si. Daw Khin Pih Pih Thun le Daw Aye Aye hna hi cu dawr ngei tu hna an si.
Mah hna minung pathum cu ralhrang nih pohma 50 le pohma 52 hmang in biachah nak an tuah piak hna tiah theih asi. Ralhrang hna an cawlcangh le an thil tuah mi zoh tik ah a fiang ngai mi cu an thazaang a der ngai ngai ti a fiang.