2023 February 17, Thantlang khua chung kahdoh lio ah SAC ralkap hna cu an va luhhnawh hna i cu ah cun CDF – Thantlang in Moses Van Bawi Hup le Van Tha Bik cu an chuak kho than ti lo an nunnak a liam, an ruak zong SAC ralkap sin ah a um lai tiah zumh a si.
16.02.2023 zingka TBC Biakinn ummi ralhrang pawl va luhhnawhnak in arak chuak ti lomi kan Miphun ralkap Salai Moses Van Bawi Hup B1-le Salai Van Tha Bik (B4) nih ram caah an nunnak an pek.
Toilet chung le toilet leng in an ikah hi asi le an ruak hi anmah sinah a um lai zumh asi. Tantakmi chungkhar Bawipa tu nih tuar khawhnak pe hram ko hna sehlaw. A sang bik mi upatnak kan in pek hna.
Relchap- Zahan TT raltuknak ah miphun dawtu pasaltha Van Bawi Hup le Vantha an nunnak a liam than. Palek sakhan luh hnawh hnu in tuni tiang kan unau 4 an nunnak a liam cang. Ngaih a chia hringhran ko.
MAH ralkap cu thazaang an rak chap hna i February 14 ah khan TBC biakinn le Ah-Mah-Kah sianginn tiang an rak phan cang. Tuhi palek sakhan ah an lut than cang maw timi belte a fiang lo. Vanlawng he miakpi he nifatin hnachet dih deng tiang in an kah peng ko hna.
Miphun ralkap hruaitu nih zeitindah biachahnak an tuah te hnga? Hmai nor chih ding or chikhat hnu i thawn rih(retreat) ding dah? A tha bik biachahnak an tuah nak hnga Pathian tu nih an lungthin ah rian rak tuan hram ko seh.