Chin ramkulh Matupi i SAC ralkap hmunpi (စစ်ဗျူဟာ ဌာနချုပ်စခန်း) cu May 5 zanlei ah CDF-Matupi nih an kah i SAC ralkap 3 an thi. Cu chungah Col. Soe Min Lat aa tel tiah theih a si. Col. Soe Min Lat cu DSA zarh 42 nak in a dihmi a si.
Matupi SAC ralkap hmunpi cu Matupi peng, Matupi-Hakha lampi cungah a ummi a si. CDF-Matupi nih May 5, zanlei suimilam 4 hrawngah an kah i Col. Soe Min Lat telh in Major pakhat le mawtaw mawngtu pakhat an thi tiah CDF-Matupi Battalion 1 in chimnak nawlngeitu nih a chim.