Tutan Kan do thlen nak i Mipi phaisa kong ah CBCUSA Postor nan zapi kan ti hrim2 hna lo. Midang pumpak rak i kawih lo ding in zangfah kan nawl hna. Zeiruang ah dah hi phaisa ruangah hawi hlei in ka aukhuang le ka buai tiah cun Mipi thawh mi $ 12Millions hi a tawm te bak lo.
CBCUSA hruaitu thar nan van i thim tlawmpal in cun an riantuan ning Aa mah ti lo, ti karak theih cang i ralring zawng fakngai in karak peklen cang hna. Zeite hmanh ah an rak rel lo, An riantuan dan a hman lo kha mipi nih an van theih i Vaurawng zawng nih voitam pi i tong ding in an rak sawm hna an duh bak lo.
CNF zawng nih Chimhchawnh lenkai an rak thimh hna an duh hlei bak lo. An Commitee meeting biachah ah hriamnam poh cu CNA sin in lut dih sehlaw CJDC chungah va lut te seh ti a si. Cu an policy zawng cu an zul duh bak lo i India ram ah meithal 160 hrawng an va cawk i A thli tein CDF an pek hna.
Mahhnu cun’ hi hna riantuan dan hi tisual palhsual mi a si lo, timh ciamman te a si ti karak i fiang colh ko. khua katuak langmang i Laimi hi Mi hrokhrawl kan tam tuk cang NGO bomh mi phaisa siseh Mipi thawh mi phaisa siseh Khrihfa bu phaisa siseh Fir le eihmuar long te a si.
Ei hmur tu hna hi Pastor longte deuh an si fawn. Mah ticun kan si kho tilo ti ka ruah caah ka phomh bak ve hna nak a si. Ka min kong ah, Zeiphu zeibu hmanh ah a chung i Mi hrokhrawl an um ah cun an lung aa rual kho bel lo.
Cu caah Mifir le mi hrokhrawl doh hi lungrual nak a si lai tiah ka ruat mi a si. Keimah ruah ningah cun’ Mipi phaisa khrihfa bu phaisa le Khua phaisa ti bantuk Fir le vaivonh a tamtuk cang caah Kan i sawhchih i phomhchih cang lo ah cun’ kan luan chin langmang lai i kan mah chungah i zumh nak zawng a zawr lai.
Alung aa rual mi si zawng kan i harh tuk te lai. Kanmi dinfel deuh le mifim thil ti kho deuh hna nih le. Mi huat lai nan phang i kan ram thiltha lo le Mi hrokhrawl hna hi biatak tein nan doh nan ti ngam hna fawn lo. Mipi zawng kan do thlen nak ah biatak tein thazang chuah rih hna usih law.
Kan Mifim le kan Upa te zawng nih thildik lo Mi hrokhrawl hna hi biatak tein kan doh piak hram ulaw ka duh ko. Kan do thlen nak ah kan thazang chuah chin hna usih law. Mi hrokhrawl le Eihmuar tu cu Dohchih phomhchih pah ding a si lai.cu lo ah cun kan tlau dih te lai. Luangrual Nak