December 2022 ah Burma ram kong he pehtlai in tuanbia ah ahmasa bik UN Security Council nih resolution 2669 an passed. Thlathum dan ah voikhat in UN GS Special Envoy nih UN SC ah report pekding le pehzul te in iton ding ti asi bantuk in UN SC cu Burma ram kong resolution an thlak hnu in a voikhatnak ton biaruah nak an nei.
Special Envoy nu zong New York a kal lai te ah Chin ram thil si ning Salai Za Uk Ling he tiah ttha te in biaruah nak can kan nei kho. March 13 ah khan UN SC member pawl cu an mah lawng inka khar in biaruah nak an nei.
March 14 ah khan United Kingdom Mission to UN le Independent Diplomat pawl nih ruahlo pi in an ka sawm caah UN Security Council briefing tuah ah New York ka va phan. China, Russia le Cabon dah tilo member vialte tling te in an rak kai. Hi briefing hi “closed door” an tic aah hmanthlak loding, media ah zeikong dah kan chim timi chim lo ding ti kha bia an kan tiam cia.
Ka chim khawh tawk a tawinak in atu lio ah Anawratha clearance operation hi ai peh peng. Hi arawratha operation ah hin LID (8 ) an hman hna. Rohinya genocide lio ah LID (2 ) an hman. A tu hi a letli an hman. Cu ruang ah Malaysia ah 30 K, India ah 54 K le IDP 70 K kan si cang.
Kan Chin state population I 25% deng displaced kan si. Atu zong truck thlanglei in 80, chaklei in 30 renglo an rak kai I an kan nam cuahmah. UN Security Council Resolution 2669 nan passed mi cung ah mipi an ilawm I ruahchannak nganpi an nei.
Asinain kha UN SC resolution 2669 passed hnu ah bomb voi 150 an kan thlak cang. Cun hi kong hi ram chung kong lawng an si tiah mizeimaw nih an ti nain SAC bomh hi Thai, Bangladesh, India ramchung hna ah an tla. Refugee hi Malaysia India, Thailand ah kan zam hihi kan mah ram chung buainak lawng asi lo.
A bik in vanlawng in nichiar ti awk in bomb an kan thlak mi le mi thongtampi kan nunnak hi atu nanmah UN SC member hna nan decision cung ah ai hngat mi asi. Minung nih asunglawi bik mi thilk an tuah khawh mi cu nunnak khamh asi. Cucu a tu nan mah nan decision cung ah hin a um. Salai Bawi Lian Mang