Burma lam unaute khan Common language leh Official language hi i hrehrang ang u hmiang

Common lenguage a tan Zo hnahthlak/ Zofateah hian Mizo tawng hi ni thei se tih kan han rawt na chhan chu, Burma rama cheng Chin/ Mizote hian Common language kan la neih loh vang a ni a. Kan chakna atan leh kan inpum khat zual theih nan, tun ai hian kan insuihkhawm zual theih nan ti a beiseina nen kan han rawt mai a ni e, tumah kan in ti lui reng reng lo,Burma rama Chin/ Mizote hi kan darh niai nuai lu tuk si a, Common language han neih hian min suihkhawm deuh mahna tih beiseina nen han sawi mai ka ni e,tun hma khan ” Mahni seh mual hran hranah”te kan han tia hei hian kan ral hmaah leh kan hmasawn zelna turah min ti thuanawp tlat nia.

Common language tih hian mi pawl pakhatin an hriatthiam tlangpui thumal emaw, phrases a kawk a ni. Then khat ten hrethiam lo vin, tawng inchim ralna a ni te kan ti mai mai a, mahni hnam bil tawng chu kan hum halh vek zawk tur a ni, Ralte hnam bil hi Mizo tawng hmangah chuan a tam ber pawl an ni mai thei, mahse Ralte tawngin Bible pawh an nei, Ralte tawng kha a ral miah lo. Mizo tawng hian tih ral sak pawh a tum lo.

Khawvel ram ropui bera ngaih USA pawh hian Federal levelah chuan Official Language a nei lo a nia, chu tih laiin Common language erawh American English a nei thung. Common language han tih hian, ti hian sawi ta mai i la, Burma lam zofaten kan hriat thiam theih nan,” Hman tlang lawn ber” tiin, Kawtkai kan han chhuak chiaha

American English hman a ngai, USA hi khawvel ram tin a tang, hnam chi tinte ” Pem khawmna ram a ni a” entir nan, Company pakhat ngawtah pawh a tlem berah Ram 10 vel atanga mihring fuankhawm ten hna kan thawka, mahni hnam bil , mahni ram tawngin an ti ti luai luai thin, mahse Cuba miin kei mi biak dawn chuan Common language (American English) kha a rawn hmang maia, kan vai hriat ta a ni, chu mi avang chuan US sap tawng chauh hmang rawh tih ziak a awm lo.

Vawin pawh khan kan zo hnahthlak pui nen kei mahni hnam bil tawngin kan ti ti hrep, kan bulah, ram dang mi an awm teuh, tu man USA English tawng hmang rawh u min ti thei lo, USA mi lo pawh ram dang mi kan biak dawn khan US english kan hmang zawk a ni mai a, ti chuan kan inpawh tlang vek ta a ni, chu chu Common lenguage awm zia ni ber in a lang.

Burma ramah khan Mizo tawng hi, Official Languageah hman theih pawh niin a lang lo, mahse Zofa, tawng chi tin chi tang , mahni hnam bil tawng nei vek, tui khur ral kan lo te te a ni si a, kan chak zawk leh kan inpum khat zual zawk theih nan tiin Mizo tawng ( Ram fang zau sa) hi i ring mai ang u ka han ti a ni e. Tak takah chuan, Halkha tawngte, Zomi tawngte, Laizo tawngte hi Common language a tan hmang thei dawn chu ni ila , ka support lu tuk a nia, mahse kan Township bak a pel hlei thei si lo hian, min suih khawm thei lo a ni.

Iraq, Iran ramte hi tun hma chuan, Persia ram kan tia, chu mi hma hretah Mesopotamia tih a ni leh a, Kaldai ram kan ti thul,Babulon ram kan ti leh a, Thailand pawh Siam tih a ni a sawi tur a tam mai, a tha ber ni a lang chu, mi tam zawk ten kan hriat awl sam theih dan kha a tha ber a ni mai, USA ah bawk hian han sawi ta ila, Sawrkar Office lian chinah chuan , i hnam bil tawng i demand thei vek, Eg, Chin tawng ka duh va ti teh, Chin tawngah chuan a eng ber nge a lo ti ang che, Common lenguage kan nei tlat lo, Falam nge ? Halkha nge? Zomi nge? Mindat, Matupui, ect, a Chiri nuai ri ngawt, Mizo tawng ka duh va ti la, i he lo vin Mizo tawng an pe vat ang che, ka han sawi duh chhan chu , thil hi a awl sam leh a changkang zawng, hun sen tam vak ngai lo zawnga kan chet thiam pawh a ngai ang, Computer ageah kan cheng tawh si a.

Sap tawng kan tih hi, hnam dang tawng an seng lut na sa lu tuk, Greek, Heb, Latin..ect,, Greek hoin in Sap tawng tih ve hi Kan tawng thumal a tam lu tuk tiin kei mahni tawng a ni tiin an chuh ve chiam chiam lo. Mizo tawng phei chu Sap tawng aiin kan Cial hle, a chhan chu, hnam dang tawng seng luh ve chiam chiam kan ngai lo, keimahni Zofate tawnga mi kan hmang/ kan seng lut mai hi kan Cial bik em emna niin ka hria.

Mizo tawng, Common language atan hman i hrehna chhan ni a ka rin pakhat a awm a, chu chu hei hi a ni, tute emaw hnam bil tawng, mahni hnam bil tawng tlansana va tawm angah i inngaihna lai tak kha, niin ka hria, chu tiang chu nita se, kei mahngai pawh hi a duh lo pawl a mi ka ni ve ngei ang, mahse Mizo tawng kan tih hi tu hnam bil ta mah a ni lo va, Zofa, Zohnahthlak tawng hrang hrang infinkhawm a tanga lo ding chhuak a ni tih hi i hria ang u, tichuan awl sam takin Mizo tawng hi Common language-ah hmang thei ila, tun ai hian Zofate kan inpumkhat/ kan insuih khawm thei leh zual hi ka ring tlat a ni.

Similar Posts

0 0 votes
Article Rating
Subscribe
Notify of
guest
0 Comments
Inline Feedbacks
View all comments