February ni 14 zing hnazi 12:20Am hrawngah Kalay myo Tahan Agape sizung Kam i inn pakhat cu a kang i sang chung um Mipi pawl nih kangmei an phal hnu ah zing suimilam 1:00Am hnu ah an phal mit khawh tiah theih a si.

May be an image of 2 people, people standing, fire and outdoors

Tu i inn kângh nak hmun khi Tahan bazar le Agape sizung karlak a si tiah khonumthung Burmese tih a langhter. Mah inn hi zei ruang set ah a kangmi asi tihmi fiang in theih khawh a si rih lo.

May be an image of 6 people, people standing, fire and outdoors

RELCHP- MIPHUN NA DAWT NAK HI ZEI INDAH NA LANGH TER VE LAI ? Kan miphun le kan ram na dawt nak hi zei indah na langh ter ve lai? Chin miphun tuanbia hi a chim in an chim cio i cucu tuanbia bantuk in an chim cio mi asi. Sihmanhsehlaw ca in fimnak an vun thiam hnu in cauk in Chin miphun kong an tialmi hi a tam tuk rih lo.

1948 before iindependent hlan ah Chin miphun kong cauk in a rak tialmi hi Mirang(English ) mi deuh an si i, cu hmanh cu a tha te in research tuah in an tial mi si lo in, khual an tlawn pah in an hmuh tawnmi kha dairy bantuk in record deuh in an tialmi a si i Cucu The Chin Hill timi Truck & Carey nih an tialhmasabik mi a si i (1895 hrawng ah an tialmi asi).

Cun biaknak leikap in cun Dr.Straigh , Luois le Rev.Dr.Johnson hna nih an tial mi long hi a rak si. Independent hlan hrimhrim in Chin mi kan pa le pawl hi mirang ralkap ah tamlak te an rak lut i ralkap an rak tuan. Cu ka pu/pa hna nih Chin miphun hi zeitindah kan i hmuh tawn / kan idawt khawhh lai i , miphun khat kan sinak hi zeitindah kan dir/ kan langh ter khawh lai ti hi fakpi an rak i zuam.

Cu kanpu/pa hna nih cun Chin miphunpi ni hi i serve seh tiah hawikom nak an rak tuah i Chin National Day(CND) pi cu avun chuah ter khawh mi asi. Hi CND a chuah khawh nak hnga a bik in a cawlcangh mi cu Chin Affair Council Chairman Pu WanTu Maung le Secretary Captian MangTum Nung deuh hi an si hna. An pa hnih in Mirangralkap a rak tuan veve mi an si hna.

Chin Affair Council a um hlan ah mirang nih Chin ram cu Chin Hill Colonial Administration tiah 1896-1947 tiang Mirang nih Chin ram uk a fawi deuh nak caah an ser mi asi i 1896 ah Chin Hill Regulation Act hi Culcuta ah an rak pom i cu nih cun Chin Hill Colonial Administration cu acting administration or enforcement ah a vun hman nak a si.

Chin Hill Regulation Act draft a rak tial tu hi Mr.Carey ,Mirang Political Officer pa a rak si. Hi Chin Hill Regulation hi Chin ram i ramuk bawi uk nak kha kan in pom piak hna tiah Mirang nih an ti. Mirang nih hin Chin ram hi Chin hill regulation Acts in kum 51 chung an uk nak ah an hman.

Sihmanhsehlaw 1941 ahhin US le England nih Atlantic treaty an rak ser i , cu nih cun Mirang nih Colony in a uk mi ram vialte luat nak ka pek lai timi US president Rutsaveh le England Priminister Winstan Churchil nih hnantlak nak an tuah i , cu nih cun Kawlram le India hna hi independent an hmuh nak a si.

Cu ti independent kanpek cang hna lai tiah an.ti ruang ah Mirang nih anmah te in i uk thiam hna seh tinak caah Chin Affair Council hi an tuah piak hna i Chin Affair Council ah ahmasa bik Minister a tuanmi cu Pu VunKoHau a si (1945-1946) .

A pa hnih nak Chin Affair Council Minister a tuantucu Pu WanTuMaung asi i (1947-1952) tiang. Cu ruang ah Chin National Day cu Pu WanTuMaung nih Chin Affair Council a tuan lio ah a rak tuah pi mi hna a si. Zeiruang ahdah Chin National Day a tuah pi duh bik hna timi cu study cio te ko kun hna u si. Zahung Mang

By admin

Leave a Reply

Your email address will not be published. Required fields are marked *