Sagaing ramṭhen, Kalaymyo, Kyotungpin sang sehzung pawng ah nihin October 27, zanlei suimilam 2:30 hrawng ah inn a kang, tiah tualchung mi hna nih an chim.
Inn a kangh ning cu hnawm an duahnak mei in aa thawk, Kyotingpin sang mino nih an phalh i zanlei 3:30 hrawng lawng ah mei a thi, tiah an chim.
Inn khat cu a ciam dih, a kangh ning a fah ngai caah a pawngkam inn a tlaih lo nakhnga kan ven i kan phalh khawh, kan phalh khawh hnu ceo ah meithat motor cu a hung phan, tiah mei phalhnak ah aa tel vemi Kyotungpin mino pakhat nih a chim.
Pau a naih cang caah Kalaymyo khuachung a ummi mipi nih mei kong ah ralrin kan herh ngaingai, pumpak pakhat cio nih mei kong ah rian kan ngei dih, tiah ṭuanvo ngeitu hna nih ralrin an pek hna.
2023 January-October, thla 10 chung ah Kalaymyo khuachung ah a ruang hngalh lo in innkangmi an um pah tawn, tiah theih a si. The Chin Post