April 28 ni ah CDF-Kanpetlet Battalion-3 in Bomb sernak ah i thlahphoih sualnak in minung 2 an nunnak a liam i 3 hliamhma fak an tuar tiah CDF-Kanpetlet nih April 29 ah thanh ca an chuah.
Ram le miphun caah a nunnak a liam mi hna Salai Sun Law le Salai Aung Ye Lin hna cu CDF-Kanpetlet nih upatnak sangbik kan in pek hna tiah an langh ter.
Khualtlawng Motor Le Thilphur Motor Pahnak In Minung 2 An Thi 5 Hliam An Tuar
Sagaing ramthen ShweBo le Mandalay motor lampi ah khualtlawng motor le thilphur motor cu hmaitonh in an i pah caah minung 2 an thi i 5 hliam an tuar tiah kan theih.
April 28 zanlei suimilam 6 tluk ah Hla-daw khua lamkuai zawn ah khualtlawng cit mi motor le favai phur mi motor an i pah hi a si. “Pakkuko lei in a ra mi khualtlawng cit mi motor le Favai phurmi motor an i pah.
Khualtlawng motor cungah hin minung 9 an cuang i Hpakanh khua lei a kal ding an si”tiah ShweBo khua mibawmchan tu pakhat nih a chim. Atu lio ah ShweBo le Mandalay motor lam cung ah kahdohnak a chuah lio a si caah khua mi hna zong ralzam in an um lio a si tiah kan theih.