Bochan Tlakmi. Phaisa tampi ngeih le rum naa zuam bantukin dawtnak ah a rummi si zong i zuam.
Lenglei muisam le pumrua dawh naa zuam bantukin, lungthin ṭha ngeih zong i zuam.Mi hmai ah biachim thiam mi si naa zuam bantukin, midang ṭhatnak hmu khotu si zong i zuam.
Fim thiamnak a ngeimi lawng si lo in mizawn a ruat khotu si zong i zuam.Mirum mi hna cung lawngah ṭhat si loin, mi sifak hna cung zongah that khawh i zuam.
Milian le milar theihhngalh tampi ngeimi hna cungah ṭhat na zuam bantukin, santlailo mi hna cung zongah na ṭhatnak langhter khawh i zuam.
Midang caah caan tampi a petu si nakin, midang nih herh lio caan ah bawm khotu si i zuam deuh.
Nangmah nakin mifim, mirum le a let tampi a thiamsangmi hna sinah tangdor tein nun khawh na zuam bantukin, nangmah nak santlailo cung zongah tangdor nun ngeih khawh i zuam.
Bochan awktlak hawiṭha na kawl bantukin, zeipaoh chimh ngammi le bochan mi hawiṭha si zong i tim ve. (Cauk chuahding chungah aa telmi chung in)Anna Par (16 July, 2022). Ma Nu