BM (Hram Hu) Na Taksa A Thi Ko Nain Bawipa Nih AN Peek Mi Thiangthlarau Nunnak Na Ngeih Mi In Bawipa Na Tawn Ko Lai Caah Bawipa Ka Thangthat. BM, Kum tampi kan thawng kan i theih ti lo hnu ah,na thawng cu nihin 10 April 2023 ah kan theih cu i chawnlo in kum23 hnu ah na thawng ka theih ni a si.
Sihmanhselaw kai ruahning bantuk in na thawng ka theihlo mi belte nih ka ngaiha ka chiatter,na thawng ka theih bakin,Bawipa sinah lunglawmhnak bia ka chim.Asullam cu,Bawipa nih a mah nunnak an peek cang mi kha a tu na thih tiang hi a rian na ttuan bu in na thi ti ka theih caah ka ngaihchiatnak a ka hnemh.
BM(Hram Hu) Kum 1997 in kum 1999 Aug thla tiang kha ,Aizawl in Lengpui thlang Dialdawk ah duum kan rak tuah i,Nang cu Pu Lian Tinh Thang te lo tuahnak ah na rak um?Kan nih kha dum tuah ah Aizawl in 1997 May ah kan rak ra
Dialdawk ah Laimi rianttuan mi le midum a hngak mi kan dihlak in ngakchia he cun 100 deng akn rak um hna i,Dialdawk Khrihfabu tiah kan rak sak i pumhnak zong kan rak ngei tawn hna. Kum 1997 Bawipa Jesuh a chuahnak campha,Chrismas le kum thar kan hmang hna i,cu kan hman hlan deuh a zarhkhatnak in Bawipa thangthatnak cu, Pu Ceu Bik te umnak,Inn ah Bawipa thangthatnak kan ngei hna.
Bawipa chuahni a phan i Thiangthlarau nih ka sinah chim ding mi bia tampi a rak ka peek caah kan nu siseh,Ka nau nupi siseh,Muante le an nu si hnaseh,Madin te nupa si hnaseh,Pu Lian Tinh Thang siseh, an rianttuantu hna tlangval pawl si hnaseh, nangmah hrimhrim si uh, Pu Kulh,
Falam khua mi le Piliani si hnaseh, nan rak ilawm cio hna i,”Bawipa nih nan sinah a thiangthlarau in rian a ttuan caah Khrih ah hrintthannak nan rak ngei hna,Hi caan lio ah khan zan 60 chung Pathian thangthatnak kan rak ngei hna i,lunglawmhnak in kan rak khat hna i,Keimah sin hrimhrim ah Bawipa nih chim ding mi bia kha zankhat hnu zankhat in bia thar a rak ka peek peng tikah lawmhnak in kan rak khat.
BM,kha lio caan bantuk kha hmu tthan dingin ka kawl tawn,asinain hmuh khawh a har cang,Bawipa nih kha lio caan kha kan nu le he a mah nunnak nan ngeih khawhnak dingah caan a rak ser a si ko ti hi ka ruahtthan tikah Bawipa sinah a thar in kai lawm tthan lengmang i Bawipa ka thangthat tthan tawn.
BM,nihin na thawng ka theih ah hin,ka nau a si mi,Pu Phir Cung)Na uphir le an nu Mawite le kan nu,na uchin cu kan tuartuk ko hih,hibantuk i na ton mi kong i kan ngaih a chiat hi na hei kan theihpiak ve law,ka ul e nan ngaih a chia tuk mu nan kan ti kohnga e.
BM,Bawipa nih nunnak an peek cang mi in na kan liamtaak caah hin tampi kan i hnem,nang cu Bawipa caah zumhtlak tein na nung peng i na taksa a thih zongah hnangam tein Bawipa sinah na um lai ti kan fian caah hin Thlarau lei cun kan hna a ngam tthan.BM,Na tantak mi na nupi le na fa le le na chungkhat hna cu,Bawipa nih hnem in umpi ko hnaseh. Zianlonak he… Na Uduh le chungkhar
Note:A mah hi a nupi le a fa le he Vaar khua ah hin an um i nihin ralhraang nih Vanlong hmangin bomp an thlaknak hna ah khan an kheen i a nunnak a liam mi a si. A mah hi Vaar ah khuabawi a ttuan mi a si.