A hmasabik ah bible zu a chimnak ah khan wine hi a si i, zu ri hlah ti mi le wine ri hlah a ti mi hi aikhat mi a si . Bible chan lio ah khan a tu i kan hmuh mi zu, Whiskey, Rum) Tbt hna hi a rak um ve lo i wine hi zu tiah a chim mi khi a si ko.

Pathian Nih Hin Zu Din A Sian Ko!

1.Holhdang i ai ttial ning ah,Phungthlukbia 31:6-7 a hnabei a dong cang mi,a lotlau cuahmah i a thi deng cang mi hna cu zu pe hna ulaw,a lungre a thei mi hna cu,Wine pe hna uh,ding selaw, a santlaihlonak cu i philh selaw,harsatnak a ton mi kha thei peng hlah seh,a ti.

2.Phungchimtu 9:5,7 Minung a nung lio mi hna nih cun kan thi lai ti kha an theih i,mithi belte nih cun zeihmanh an thei lo,laksawng an nei ti lo i,theih peng zong an si fawn ti lo .Kal law,lunglawm te in na rawl cu ei law,na thinlung nuam in Wine(Zu) ding.Pathian nih na thil tuah mi cu a cohlan cang e.A ti tthan.

3. Salm 104:14-15 Belh cu sattil caah a kheuhter tawn i,thlaihnah cu minung ei ding ah a khohter fawn;Leikuang in ei ding a chuah khawhnak ding ca ah :Minung thinlung lawmhnak dingah Wine (Zu) he,A hmaitlawrternak sathau he,Minung thinlung tthawnternak chang he.A ti fawn.

4. Deuteronomy 14:25-26 Bawipa Pathian i a timh mi hmun ahcun nan kal ding a si;cun,phaisa cu nan thinlung ah nan duhbik ,Cawtum maw,Tu maw,Wine maw,Zupi maw,nan thinlung ah nan hawt/duh mi paoh caah nan hman lai i;cu ahcun Bawipa Pathian hmaiah nan ei lai i,nuam taktak in nan um lai.

5. I Timote 5:23 Ti lawng a ding mi si ti lo in,na paw a fah ruang le na damlo tawn caah Wine(Zu) tlawmpal cu hmang ve tawn.Hmang tiah Holh dang nih a ti i,Lai Bible Thiang ahcun,Ding,a ti.

Pathian nih hin Zu hmang hin Minung hna hi harsatnak le lungretheihnak,Sifahnak Tibantuk kan ton caan i a kan chawngtu dingah Wine(Zu) din i nun nuam te in um kha a kan duhpiak mi a si ko hlah maw ti khin ka ruah.Asinain in,Zu din ruang i,Pathain thangthat han hngalh lo,Chawva peek zong duhlo,Thlacam zong duhlo,Pumh zong duhlo tiang i Zu va din belte khi cu Pathian nih a duh mi chungah ai tel lo ti zong kan theih chih a herh ve.

PATHIAN NIH ZURIIT LE ZU RAM HI A SIANGLOH:

1. Efisa 5:18Cun,Wine(Zu) ri in um hlah uh,cu ahcun i sum khawhlonak a um.a ti.

2. I Korin 6:10 Zu riit a hmang mi hna maw,haukau mi hna maw,Nawhthuh hmang mi nih cun Pathian ram an co lai lo. A ti rih.

3. I Korin 5:11 Zu rrit a hmang mi maw,Nawhthuh a hmang mi an si ah,va kawm lo dingin nan sin ah ka ttial hi.A ti fawn.4. Phungthlukbia 23:20 Wine(Zu) Ram mi hna le saram mi hna sinah vai tel hlah.A ti chap rih.

PATHIAN Nih HiBANTUK CAAN AH ZU DIN A SIANG LOH?

1. Ezekiel 44:21 Tlangbawi/Pastor kan tihnga maw,Khrihfa Upa kan ti deuhy lai dah?Kulh cunghlei a luh ahcun Wine(Zu) an din ding a si bak lo.A ti.Hi a sullam cu,Camp an ngeih lio ah maw Thawngtha a chim lio ah maw,Khrihfabu caan an hman lio ahcun an din awk a si lo ti khi a si ko.

2. Isaia 24:9 Hlasak bu in Wine(Zu) din ding a si lai loh.

3. Leviticus 10:8-9 Cun,Bawipa nih Aron cu a chonhbiak i,Nangmah le na fapa hna zong nih Biaknak puan thlam chung i nan kal lio ah Wine le Zu hrimhrim ding hlah uh,cu lo ahcun nan thi lai.

4. Rom 14:21 Na unau a tluuknak ding a si ahcun,Wine(Zu) din lo le thil zeipaoh ti lo a tha.

5. Number 6:2-3 Bawipa caah nan peeknak Thleidanmi/Nazir biakamnak a neih lio ahcun zu dinglo in a um awk a si.Wine a thur mi zong a din ding a si loh i,Misur haang zong a din ding a si lo i,Misur thei a thar mi zong,an lawh i an pho ro mi zong a ei ding a si bak lo.A ti tthiam ko hih.

Pathian bia ah hin,Zu ding hlah ti in Cadang,holh dang ah cun a um lem loh,a um mi tu cu,Zu ram hlah,Zu rama duhlo,Saram zong a duhlo,Zuriit zong a duh lo,Bible i kan hmuh mi cu a tu ka van langhter mi,Zu ri hlah,Zu ram hlah ti mi le Zu dinlo caan a ser mi hi kan hmuh mi cu a si.

Laimi Khrihfabu kip le Community le phu dangdang nih a zeimaw Khrih ah Hrintthannak ttha ngaingai bang khin,Zu ding mi kan hmuh ning hna hi Uico lu ah ek kawp tluklo bantuk in kan hmuh hna i minung lakah saram bantuk men ah kan hmuh hna.Zu ding mi hi sual chimpit mi ah kan hmuh hna i Zu cu sual naak bik ah khin kan ruah fawn.

I Korinth 10:31 Cuticun,nan ei le nan din zongah nan tuahmi paoh kha,Pathian sunparnak ca lawng ah hmang u,a ti.Hi ka ttial mi lehnak caah,Phungthlukbia chung i kan hmuh mi,”Van dawlh ah nal ngai dawh a si mi ,ti mi kha nan laak te hna lai cuh. Ka ttial mi hi a sullam nan fian khawhnak dingah Bawipa nih kan dihlak fiannak kan pe cio koseh.Kailawm. Tinduh Thang

By admin

Leave a Reply

Your email address will not be published. Required fields are marked *