Ka Nu le hi Inlak unau telh zongah mi tlawm, aa tlaihchanmi chung an si. Ka Nu a nau nu i a fanu upa hi Fanu 3 a ngei. Amah hi Kawlram ah amah tawkin fimthiamnak sang a kai ve. An Pa hi, USA ah Ph.D kai ah a ra i an chungkhar tein an Pa Sianginn dih hngakhlang in Sianginn ah rethei ngai in ruahchannak nganpi he khua an sak lio pi asi. Ruah lopiin January, 2024 in an Pa cu a dam lo i, thlanga chung thawzoh in a um hnu ah nizan cu a kan liam tak.

Laimi chungkhat zong inn khathnih te lawng an umnak, Kawlram mi hmanh tlawm te lawng an umnak, an sianginn kainak khua te ahcun Suttung bantukin an bochan, an hngatchan i, an hmailei kongkau vialte ah an i ruahchanmi an PA nih cun Nizan ah a Liamtak/a thih tak hna.

Zanlei sangah kan theih dih in, an umnak khua ah cung ka vung kal ve. Zan 8:30 pm hrawngah an umnak Sianginn Campus chung aummi inn te ahcun dawtu chungkhat tlawmpal he an Nufarual cu ka vung hmuh hna. A fanu upa hi Tang 3 a kai, a lung a fim ngaingai mi te asi. A nu kha zeimaw caan ah a vahnemh tawn i, a hnemh dihah a mah cu mithmai i panh ter tung nain chunglei lungkuai mithmai te khin a thu tawn.

Kan Nau pa, a thimi hi Mino te, Ph.D ngahnak ah Kumkhat te lawng aa duhmi bochan tlak taktak asi. An nu zong cathiam asi nain chungkhar caah an pa rian i lim kha biapi ah chia in, an pa cung i ruahchannak nganpi he a har nain lawm tein khua asami an si. Fa le tete an no tuk hringhrang rih.
Bochanmi kan naupa nih, Fano le tete a kaltak hna, ka hmuh i,

Pastor ka si nain, BIAWPA KHUAKHAN HI THEIH A HAR KO ka ti. A hnemh zia zong ka thiam hna lo i, a cuanh in ka cuanh ko hna. Vawlei kan nun hi kan mah ruahning le khuakhan ningin a kal hrimhrim lo. Nawlngeitu Bawipa kut i nunchiah thiam hi kan thazang thabik asi ko. Daihnak kan pek hna lai ati tu Jesuh fuh kan herh ko. Crd: Zathawngcin Siakhel

By admin

Leave a Reply

Your email address will not be published. Required fields are marked *