1. Biakam kuang cu thing in sermi asi (Exod. 37: 1-9). Thing nihhin Jesuh minung asinak kha a langh ter (Lk. 23: 31).
2. Biakam kuang cu “shittim” thing in sermi asi (Exod. 25: 10). Shittim thing cu ti a um lonak these ram i a keumi thingkung asi. Jesuh nganfahtuarnak ding a hmuhsak (Lk. 9: 22).
3. Biakam kuang cu sui thiangmi in an tuam dih (Exod. 25: 10-30). Sui nihhin hmuhsaknak phunphun a ngei nain, hika zawn ahcun Khrih thianhlimnak, sunlawinak, le siangpahrang asinak kha a hmuhsak (1 Pet. 1: 7, Bia. 3: 18, Jm. 5: 3).
4. Biakam kuang chungah cun vawlei bel an chiah (Heb. 9: 4). Jesuh cu vawlei taksa in hrinmi asi (Jn. 1: 14).
5. Biakam kuang chungah cu maana an chiah (Heb. 9: 4). Jesuh cu nunnak changreu asi. Kan sin i a rami cu an rawl a ttam ti lai lo a ti (Jn. 6: 35).
6. Biakam kuang chungah cun Aaron tthiangtthunh cawrhmi an chiah (Heb. 9: 4). Tthingtthunh ro a cawrh tthanmi nihcun Jesuh thihnak in a thawhtthannak le Khrih i a ummi hna cu thotthan fa kan sinak kha a hmuhsak (Jn. 11: 25).
7. Biakam kuang chungah cun Nawlbia lungtlap an chiah (Heb. 9: 4). Jesuh cu Nawlbia a tlinh tu le kan thiamconak asinak a langh ter (Mt. 5: 17-18).
8. Biakam kuang nihcun a cunglei kil li ah ki pali a ngeih (Exod. 27: 2). Valei kil li ah Khrih thawnnak le thilti-khawhnak a langh ter (Bia. 7: 1, Acts 11: 5).
9. Biakam kuang cu hmun thiang bik ah chiah asi (Exod. 26: 34). Jesuh thianhlimnak a hmuhsak (Heb. 7: 26).
10. Biakam kuang a umnak poh ahcun Pathian a um (Exod. 25: 8, 22). Jesuh a cohlang mi poh nih Pa Pathian an cohlan, Jesuh la Pa cu Pathian ah pakhat an si (Jn. 10: 30).
11. Biakam khuang nihcun a chin a ngeih i cucu “velngeihnak tthutdanh (mercy seat)” tiah auh asi (Exod. 25: 17ff). Pathian velngeihnak in khamhnak kan conak caan a hmuhsak ( Efe. 2: 😎.
12. Velngeihnak tthutdanh cung ahcun Cherubim vanmi pahnih nih an thla in an Khuh (1 Siang. 8: 6-7). Khrih sunpar lianngannak a hmuhsak (Phi. 2: 9-11).
13. Velngeihnak tthutdanh cung ahcun raithawinak thisen cu theh asi (Lev. 16: 14). Jesuh nih a thisen in a kan tlanh lainak a hmuhsak (Lam. 20: 28).
14. Velngeihnak tthutdanh i thehmi thisen hmangin Pathian nih sualnak a ngaihthaim (Lev. 16: 14-16). Velngeihnak in Jesuh thisen thawngin sual ngaihthiam ka sinak a hmuhsak (1 Jn. 1: 7).
15. Biakam kuang cu a zawnhnak an tuah i zawnh khawhmi asi (Exod. 25: 14). Khawzeika hmun poh ah Jesuh cu i kalpi khawh asi (Mt. 28: 20).
16. Biakam kuang cu tlangbawi lawnglawng nih zawhmi asi (Num. 4: 15, Deu. 31: 9, Jos. 3: 3). Khih nih thlangbawi sinak a kan peekmi, zumtu lawnglawng nih Jesuh cu kan nunnak ah kan i um-kal pi khawh (1 Pet. 2: 9).
17. Biakam kuang cu Pathian nih Israel mi hna a ton hna nak le bia a ruah hna nak asi (Exod. 25: 22). Pathian le minung kan i tonnak cu Khrih ah asi, Khrih zumhnak in asi (2 Kor. 5: 18).
18. Biakam kuang nihcun Joshua chan ah Jodan tiva a cah ter (Jos. 3: 15-17). Jordan tiva nihcun thihnak a hmuhsak. Khrih nih thihnak a teinak le a kan teipiaknak a hmuhsak (1 Kor. 15: 55-58).
19. Biakam kuang nihcun Jericoh kulh a cimh ter, ralteinak a peek hna (Jos. 6: 1-25). Jesuh thawnnak nihcun Satan ralhruang a chimh dih (2 Kor. 10: 4).
20. Israel mi hna cu Pathian an mer taak caah biakam kuang cu an sin in tthial piak asi i Philistine mi nih an laak (1 Sam. 5: 1-12). Biatak a mer taak mi hna sin ah Jesuh a um kho lo (Jn. 6: 66-68).
21. Biakam kuang cu Philistine mi hna caah cun vanchiatnak tlun tertu asi (1 Sam. 5, 6). Jesuh cu a zumlomi Judah mi hna caah cun tluuknak lung asi i Gentile mi hna caah cun hruhnak asi (1 Kor. 1: 23).
22. Biakam kuang cu siasal biami Philistine miphun nihcun a rem in an rem lo, an i zaik lo (1 Sam. 5, 6). Jesuh cu a zum lomi nihcun an i ziak lo i an doh peng. Eg. Pharisee.
23. Tlangbawi asi lomi, Uzzah Siangpahrang nihcun biakam kuang cu a tongh i a thi (2 Sam. 6: 7). Jesuh aiawh in misur hang le cangreu a eimi Korin khuami cu zum lo buin an ei caah an zaw i an thi ve (1 Kor. 11: 29-30). Khrih hi an caah zawtnak le thihnak asi.
24. Biakam kuang cu Israel ram a phanh tthan caah David cu lawmhnak in a laam (2 Sam. 6: 14-22). Zumtu hna cu Jesuh he kan umtti caan kha a sunglawi cemmi caan asi (Mt. 17: 1-4).
25. Solomon temple ahcun biakam kuang cu an von chiah i biakin cu Pathian sunparnak minmei nih a kuh dih (1 Siang. 8: 10). Jesuh cu kan thinlung chung i hmunhma kan von peek ahcun Pathian Thiang Thlarau nih a kan umpi cawlh (Efe. 1: 13).
26. Solomon biakinn i biakam kuang ahcun thangbawi ngan lawnglawng kha kum khat voi khat Yom Kippur (Lanhtaak) puai ah a lut kho i raithawinak an tuah, kum khat caah sual ngaihthiamnak an hmu. Sihmanhselaw, Jesuh nihcun Amah takpum in zungzal caah raithawinak a kan tuah piak (Heb. 7: 23-28).
27. Judah le Israel ram an i tthen hnu in Israel cu biakam kuang an ngei ti lo i siasal an bia dih. Jesuh umlonak hmunhma ai thimmi cu sisal biaknak le sualnak ah an dong dih ve ko.
28. Judah Ram Babylon sal i an tan hnu in biakam kuang a umnak an thei ti lo. A tuanbia a dong. Hell i na tlaak ni hi Khrih konglam na theih a donghnak asi ve cang lai.