Mipi le kan ralkap a thi mi an tam tuk cang , Khua le Inn kaang tamtuk cang caah MAH le aralkap hna chonh in remnak ser hau ko cang ti mi bia hi chim Le ruah ding zomg asi lo.
Peng Pakhat le Peng pakhat , Bukhat le Bukhat tibantuk zong kan i doh in kan i thangchiat ding a ri rih lo. Pastor te le Khrihfabu , Hruaitu upa hna zong sawi le thang chiat doh can asi lo.
Kan mah le kan dirhmun kan sikhawh chung cio tu in hmun khat te ah doh ti,Tuan ti, caan asi. Tlang au tu nih an sikhawh chung in au rih hna seh, Pe tu nih an si khawh chung in pe cio hna usih,
Thlacam tu nih thlacam nak in, Tuan tu nih nunnak le thisen pek in, Mah le zawn cio ah thachia lo le biasi phai lo tein kut tlai in dir ti ko hna usih. Vawlei tuan bia kan hmuh mi cheu khat hi vun zoh ve hmanh.
1. U.S.A Civil war ah khan minung 620,000-750,000 hrawng an thi.(S-358,000/N-3360,000) hrawng veve.
2.Vietnam ral -2,000,000 hrawng an thi. 1,100,000 hrawng hi mipi thi mi an si. Ralkap hi 200,000-250,000 kar an zumh.
3.Korea ral..4,000,000 hrawng ,Mipi hi 1,000,000 hrawng an zumh mi si.Communist nih 2,500,000 reng lo an thah rih hna.
4.Combodia ral…1975-1979 ,Kum 4 chung ah. 1.5 in 3 milloins an thi tiah an ti.Communist political group nih an thah mi le an tlaih mi an hngal kho hna lo..
5. Japan ram 120,000 hrawng an rak thi manh,8200 hrawng hi an thah hna, 50,000 hi an tlaih mi hna thong tla in an thih le nun hngalh lo mi an si.
Kan pong te ah kan Unau mizo tuanbia kha zeitluk in an rak temtuar ve an thih an loh le khua tiantak mi kong hna kha kan mithmuh le kan hna theih an si caah chim hau lo.
Bia si phai lo tein Thlacam nak he thazaang chuah ko rih hna usih. Ram chung Ram leng Mipi Unau temtuar ning ai dang ko lai nain thinlung fak ming cu ai khat pah ko hna lai. Jephanaih bantuk in kan ram adam khawhnak hnga thlacam nak in Bawipa au ko rih hna usih. John Fambawl JohnfThawng