Muidawh VHSung bia te hin thazaang vun la cio tuah hna u sih. Hlasak lawng hmanh si lo in bia tete a rak thiam tuk hi teh.

1. 100/100 mi caah kan tuah kan timi zong khi adonghnak ah cun kan mah caah kan tuah mi arak si. Pathian caah, miphun caah kan ti leen zongah kan mah cung tthiamtthiam ah arak tla.

Mah caah cun thilttha kan tuah, mi kan bawmh, Pathian caah rian kan ttuan kan ti zongah kan mah cungah ahlei in arak kir tthan timi kha philh hna hlah usih.

2. Thilttha tuah khawhnak thluachuah akan petu zong Pathian asi i, thilttha kan tuah ah thluachuah akan petu zong Pathian asi.

Thilttha tuah khawhnak thluachuah akan pek, kan tuah ah thluachuah akan pek tthan. Kan mah tuahsernak aa tel loh.

Mah caah hin zeikong hmanh ah i phorhlaw hna hlah usih. Bawipa tu sunparnak pe ko hna usih. I phorhlawt kan duh ah cun Amah tu ah i phorhlaw ko hna usih.

Relchap- Bangladesh ram um Chin mi hna cu Arakan Army le Bangladesh cozah ralkap hna nih an phomh cuahmah lio hna a si. Miphun hlauh thlau timhnak ( Ethnic Cleansing) in an tuk cuahmah lio hna a si.

Bangladesh in Chin ralzaam tampi cu Mizoram Lawngtlai District ah i dor in tampi an um cang ai chap rih dingah ruah a si.

Arakan Army le Bangladesh Cozah Ralkap hna nih Civilian ( Mipi) tampi an thah cang hna pinah Inn le lo an khangh piak mi hna hi a tlawm ti lo. A khua in an thiau dih mi hna zong a um.

Kuki-Chin National Front hruainak in Bangladesh ram um Chin Miphun phun ( Bawm, Pang, Lusei, Khumi, Mro le Khiang) fonh hna nih cun an umnak ram cu State pakhat si ve dingin an hal ruangah hibantukin Arakan Army le Bangladesh Cozah ttangti nih an tuahto hna nak hi a si.

Kuki- Chin National Front / Army le Bangladesh Cozah le a hawi Arakan Army cu an i kah cuahmah lio zong a si.

Bawm miphun hi a tam cem an si i CACC Hakha Meeting zongah an Khtihfabuu ( Association) pahnih an ngeih mi hruaitu le cu an kai ve lengmang tawn. An holh zong hi Mizoram um Laiholh he ai khat bak mi Biafang tlawmpal te lawng ai dang mi a si. Salai C Vanramdinmawi

By admin

Leave a Reply

Your email address will not be published. Required fields are marked *