Bawipa sin ah zaangfah hal zungzal hna sih
Atu ah a hmunkip in bawi duh le lal duh ruang ah uknak aa cuh mi hna ruang ah a hmunkip in ral nih a kan fuh.
Mino thatha, nulepa nih dawt cukmak mi, sian lomi hna nih a kan liam taak. An ke a bul, an kut a bul, an mit a caw. Um… ral a kapmi cu pei kan si ko kan ton lai kan i ruahcia mi kan theih ciami a si ko.
Atu ah minung a sing le a tawng nih thla nan kan campi nak thawng in aa hliam ding zat, a thi ding zang hmanh kan i hliam in kan thi lo. Hi bantuk kan si ca ah mipi na umnak hmun in thla rak cam zungzal.
Josuah ral a teipiak bang in atu kan ral hi a kan teipiak lai. Kan Pathian hi a caan a tlai bal lo, a hnu bal lo. A fanau a mifa hna harnak kan ton hi a khuakhan a si bang a kan zohsawh lai lo. Teinak a kan pek hrimhrim lai.
Chin miphun thlacam zungzal usih. Nunnak dihlak pek in thlacam zungzal usih. Mipi thla kan camnak hmual a ngei. Pathian nih a kan leh cuahmah
A kan leh thluahmah rih lai. Vapual cuang Thantar (Puanglaang) kan Chinland ah kan thlai te lai. Kan thlai deeng cang. Thlacam usih, Thlacam usih, A hlannak in thazaang chuah chin usih. Credit: Salai Tluangte
