Brazil ram ah Khrihfa Biakinn chungah Pathian thangthat le thlacam in ai khawm mi hna cu Misual, Biker’s pawl hna nih luh hnawh i va kah thah dih dingin an va fuh hna. Hi lio ah a nung mi Pathian rianttuannak cu Khrihfa mi Thlacam tu hna sin ahcun a lang i khuaruahhar thil a cang.
HI misual, Biker’s pawl nih an kah manh hna hlan ah hin vancung in kaat men bantuk nih a tlaak hnawh hna i mi sual pawl cu an dihlak in an thi. Asinain, Biker’s pawl nih thah an timh mi hna Khrihfa mi Biakinn i thlacam mi pawl cu an dihlak in nung dam tein an chuak kho dih. Bawipa min thangthat si ko seh. Amen!TDT
Thawngpang dang relchap- Mandalay Ah PDF Sakhan 2 Luhhnawh An Ton Caah PDF Pakhat Nunnak Liam, Hriamthil Sing Thongkhat Man Leng An Sung
Mandalay ramá¹hen, tualchung hriamtlai phu hna sakhan 2 cu luhhnawh in kahdoh an ton caah sakhan chuh an tong, ralkap pakhat a nunnak a liam pin ah hriamthil kyats sing thong khat leng man kan sung tiah Mandalay pengkomh battalion 5 MNPDF Myitnge in chimphuannak nawlngeitu nih nihin March 16 ah a chim.
March 15, zinglei suimilam 5:00AM hrawng ah rallam sial in a chuakmi SAC ralkap le Kyaukyit sakhan in a chuakmi SAC ralkap nih Mandalay pengkomh battalion 5 MNPDF Myitnge le Ngazun hrambunh Zamani pahkahphah umnak sakhan cu an luhhnawh tiah MNPDF Myitnge in chimphuannak nawlngeitu nih a chim.
Tualchung hriamtlai PDF umnak sakhan luhhnawh in kahdoh kan ton caah minung 4 nih hliamhma an tuar, ralkap pakhat a nunnak a liam tiah a chim chap. Hriamthil sernak thilri, uniform, carbine 10, mine le mine sernak thilri, kuan phuntling le meithal phuntling, telh in hriamthil tam lak te le phone lung 50, cycle 20, Tolaji pakhat, facang le riahcaw tamlak kan sung tiah MNPDF Myitnge in chimphuannak nawlngeitu nih cun a chim.
Hriamthil sernak thilri le hriamthil dihlak telh in kyats sing thongkhat leng man kan sungh caah kahdohnak chung luh ding ah kan har ko, bawmhchanh kan herh tiah MNPDF Myitnge nih nawlnak an tuah.
March 13, zinglei suimilam 5:00 hrawng ah SAC ralkap nih Myaung peng Parinma khua cu an rak luhhnawh i an kir lei ah Sagaing pengkomh battalion 4 MSPDF sakhan cu luhhnawh in an rak khanghpiak hna caah kyats sing 200 leng hrawng sunghnak an rak tong.TCP