Ka miphun Chinmi hna kan biak mi Pathian sinah hin kan thlacamnak cu a lak a si hrimhrimlo,Thlacamnak ngaitu le kan herh ning in a kan lettu Pathian cu a min thangthat in um zungzal koselaw,Chin miphun nih donglo in thlacamnak cu pehzulh peng ko hna usih
Nihin 1 May 2023 ah hin,Chinram,Hakha peng,Malsawm khua kam i kahnak ah Ralhraang pawl an hriamnaam/meithal ttha mi pakua(9) Chin pasalttha nih cun an laak,ralhraang a thi mi zat le hliam a tuar mi zat hi an chim kho rih lo.Asinain thil hei ruah khawh mi le hei zumh khawh mi cu,meithal 9 an laak caah hin a tlawmbik ah ralhraang 9 hi cu an thi ko tikhawh a si.
Thawngpang dang relchap- Karen Ramkulh Ah Rallam A Sialmi SAC Ralkap Kahdohnak Ah Ralbawi Telh In 5 An Thi
Karen ramkulh, Karen hriamtlai phu hna nih humhimnak an laaknak hmun hriamngan in voi 90 leng a kaptu SAC ralkap hna cu rallam an sial caah kan kah hna i ralbawi Major 1 telh in ralkap 5 an thi, tiah Cobra Column Company 4 nih April 30 ah cathanh an chuah.
April 29 ah SAC ralkap nih hriamngan voi 90 leng cunglei an kah pin ah Missile in voi 8 an kah hnu ah rallam an sial i, Karen hriamtlai phu hna nih an kah hna, tiah theih a si. Cu kahdohnak ah SAC ralkap Battalion 207 in ralbawi 1 le ralkap 4 an thi.
Kah Pah Sah meithal kuan 67, MA 5 zun 1, MA 5 kuanbawm 1, 9mm kuan 15, MA kuanbawm 4, walkie Talkie 2, Enaga bomb lung 4, RPG lung 3, RPG zen thluan 3, nam 1 le Jammer seh 1, Karen hriamtlai phu nih an laakpiak hna, tiah theih a si.
SAC ralkap cu Karen hriamtlai phu hna nih fak ngai in an kah hna caah YAK 130 Fighter 2 hmang in kahdohnak an tuah ko nain Karen hriamtlai phu lei in aa hliammi an um lo, tiah theih a si.