|

Banki Moon Le NUG Ramleng Deputy Minister Tonnak An Ngei

Former General Secretary of the United Nations zong a si i The Elders phu in Vice President a simi Banki Moon le Ministry of Foreign Affairs in Deputy Minister U Moe Zaw Oo cu tonbiaruahnak an ngei tiah NUG cozah nih April 30 ah a thanh.

A luancia April 27, ah tonbiaruahnak an rak ngei i, Banki Moon Myanmar ram a tlawnnak kong he pehtlai in biaruahnak an ngeih pin ah, hmailei ah Myanmar ram tlawn ding in timhtuahnak hna a um ahcun NUG cozah telh in ṭhanchonak ca a biapi mi hna he tonbiaruahnak ngeih ṭi ding in nawlnak kan tuah tiah an thanhmi ah an langhter.

Atu lio Myanmar ram a cangmi buainak kong ah tlamtlinnak he hmailei karhlan khawhnak ding ca ah tiin kaphnih bia ruahnak zong an ngei, cu pin SAC ralkap hramhram thilsual an tuahmi a hram cahnak ding ca le hmailei caan saupi ca tiang a dikmi lam hmuhnak ding ca NUG cozah telh in relh awk ṭhami phu dihlak an biapit zia Banki Moon nih a chimchihmi kong ah kan i lawm tuk tiin NUG lei nih an langhter.

Banki Moon Myanmar ram a rak tlawnnak kong ah aa timhmi a ṭha nain, SAC nih anmah ca ah hrangtlai in an hmanrua ah an hman sual lai ti hi thinphang ngai a si tiah Deputy Minister U Moe Zaw Oo nih cun a chim.TCP

Similar Posts

0 0 votes
Article Rating
Subscribe
Notify of
guest
0 Comments
Inline Feedbacks
View all comments