Bago ramthen Shwe-Kyin peng chung um SAC IB 351 hna sakhaan pakhat cu Mizapi ralkap ttangti phu hna nih Nihin zinglei sang ah an laak khawh i hriamthil tampi an laak tiah theih a si.
Nihin November 17 zinglei sang ah Karenni ralkap KNLA le BPLA hna telh in a dang mizapi ralkap hna nih Shwe-Kyin peng Kyu-Chaung khuate pawng um mi ralhraang hna IB 351 battalion cu an va kah hna.
Kaphnih kar kahdoh nak minute 20 tluk a rauh hnu ah a tuar fak mi ralhraang hna cu an sakhaan chuahtak in an zam viar hna caah ttangti phu lei nih sakhaan cu tlamtling in an laak khawh. Hi kahdoh nak ah ralhraang lei a thi le hliam zat fiang in theih a si rih lo nain hriam cu tampi laak a si.
Hriam an laak mi hna cu 60MM bomb kah nak zun 1,60MM bomb theih (52), Jumper (1),pehtlaih nak (1) Inaka Lung (13),kutchet bomb lung (21),RPG kuan (22), RPG kahnak (16), 40MM bombthei (12),land mine (9) le 5.56 kuan 1128 hna an si tiah an langhter. CBN Daily