Northrop Grumman hian nikum kumtawp lam khan B-21 Raider nuclear bomber thlah thar hi a tlangzarh a ni. Tunah chuan company hian strategic aircraft siamna atana sum senso tur phuhruk nan sum dang a zawng mek a ni.
He thu hi Northrop Grumman CEO Kathy Warden chuan investor conference neihnaah a puang a ni. Company hian January 2023 aṭang khan hlohna chungchang hi an sawi ṭan a, kum sawm chhungin hlohna hi dollar tluklehdingawn 1.2 a tling tura ngaih a ni.
Northrop Grumman chuan COVID-19 hri leng leh inflation sang vanga senso phuhruk nan sum dang a zawng mek a ni. Fixed-price contract an ziah hunah B-21 Raider batch hmasa berte small-scale production-ah an lo chhuak dawn a ni.
Cathy Worden chuan company chuan sorkar nen he harsatna hi chinfel tumin hma an la mek tih a sawi. Congress chuan Pentagon-ah hian inflation lama harsatna awmte phuhruk nan dollar tluklehdingawn khat a ruahman a, mahse Defence Department-in sum hi engtin nge sem a tum tih erawh hriat a la ni lo.
Kan hriat chian chu Boeing hian pawisa hi a bid a ni. Company hian COVID-19 leh inflation avanga chhiatna thleng, Air Force One thlawhtheihna thar pahnih siam a nih laia chhiatna thlengte chu siamṭhat a duh a ni.