Myanmar National Counselor hlun Daw Suukyi cu May-27,2023 ah SAC Home Minister Lt.Gen Soe Htut le Union Minister/ NSPNC Chairman Lt.General Yar Peah nih vawikhat le cu hnu’ah Lt.General Yar Peah le Lt.General Khin Zaw Oo nih June-4 ah vawikhat Nyphydaw Thonginnpi ah athlithup in an va tong ti’ah News Agencies cheukhat sinin theih asi. “Na lung i thumh law, Politics buainak ka tuah ti lai lo i, Rampi rem – daihnak kan siam ti hna lai na ti’ah cun, Jailed
Thonginnpi in kan in chuah lai i, nangmah na Innpi Yangon ah kan in thial pinah na Court – Cases vialte kan in thumhpiak dih lai ti’ah an lemsawi na’in a vawikhat nakah zeihmanh a let hna lo. Vawihnihnak an kal ah Lt.General hlun Khin Zaw Oo nih cun, “Lungthlen i Thonginn in chuah maw na duh, silo’ah Thonginnpi chung ah “Thih cawlh” na duh deuhmi kha i thim ti’ah a thlerhkhawn len i, Suukyi nih ka ruat ta rih lai ti’in a leh hna ti’ah Minchin duh lo mi Thonginn riantuan pakhat nih a chim an ti.
June 6, 2023 ah Case Section 3(1)(c)/9 Official Secret Act tiamin Appeals Cases-7 cu Supremeah ceihnak an nei na’in SAC cunglei Bawizik nih thialchungnak an tuah ter hna.Hi Secret Cases ah aa telmi Finance Dy- Minister U Set Aung cu June-2 ah khan Thonginn in an chuah cangi, tu hlan deuhah khan, Finance& Planning Minister hlun Pahnih U Kyaw Win le Soe Win pinah Mr. Sean Turnel (Australian, Suukyi Advisor) zong an rak chuah cang.
Cu hnu cun,Home Minister Soe Htut, Military Intelligence Chief Lt.General Ye Win Oo forhfial nakin Yangon, Thanhlynn um “Thabawa Meditation Center” haotu Phungki U Ottamathara nih NLD Party Senior Patron le General hlun U Tin Oo(96) cu June 8 ah khan Yangon ah tonnak an nei i, Suukyi(78)cu Party Politics in i ngol sehlaw, Rampi remdaihnak tu aupi seh rak kan chimh piak.amah nih a”Rang” a ti’ah cun Myanmar Mipi nih a “Dum” an ti bel lai loh ti’ah a nawl. Sina’in U Tin Oo nih zeitin a let timi theih asi lo.
P
hungki U Ottamathara nih hin Yangon lawng ah silo’in Thailand ram Maesot le Chaingmai zongah Thabawa Meditation Center a hong i, Nu le hngakchia/Ralzam Refugees bomhnak Inn le Sianginn a tuah ti’ah theih asi. Cuca’ah Micheukhat nih an zumh lo ca’ah an reports i, 2022 August Thla ah khan Thailand Palik le Security pawl nih a Center an checkup i,kawl Ralkap Intelligence he a pehtlai thil tampi an hmuh na’in U Ottamathara nih cun, pehtlai nak kan nei lo ti’ah a chim ve. Sihmanh sehlaw an Center Network ah cun, MI Chief Lt.General Ye Win Oo, NSPNC(National Solidarity and Peace Negotiation Committee)Members Lt.General
Win Bo Shein, Lt.General Min Niang te pawl he rian an tuan tinak hmuh asi. Zeikhawm Si sehlaw, Myanmar Mipi tam deuh 70% nih cun Daw Suukyi hi an tlaihchan rih ko ti hi theih khawh asi.Mi cheukhat nih cun Daw Aungsan Suukyi hi hmaizarh June-19 a mah Birthday ah maw, asilo’ah tukum August thla dongh hlan hrim hrim ah Nyphydaw Thonginn in amah Yangon Innpi ah an thial kho men ti’ah thawngpang a leng. MC Biklian