Aungbaw dihmi phaisa le Lai Pasudali pawl. TT ah nizan tihni hrawng i pingpalo a va kah thluahmahmi kha voi 20 paoh cu si lai. Lai media nih 25 an ti, Sai Hrang nih 19 a ti tiang ka theih. Tikah, voi kul ti usih.

TT peng i a raltuknak vanlawng le a Mi-35 fikfa a thlah cu a tam tuk lawpaw. A niam cem i ka tuakmi nak khin a tlawm bik voi 10 paoh cu chap hau lai.

Ma-ael-lu sachia nih TT lawng ah voi 30 bakte minung thahnak le nawnnak caah jet fighters le nihin raltuknak helicopters lakah a mak bik an timi pawl a hman hna.

Vanlawng pakhat voi khat a thlah ahkhin US $ sing hnih ($ 200,000) in ($ 350,000) paoh an dih.

TT caah a tlawm bik voi 30 si kaw… ($ 200,000 x 30 = 6, 000,000.00) si ko lo maw? A tlawm bik reet in tuakmi si rih.

Average in kan tuak cun, a tlawm bik $ 10 million paoh cu vanraltuknak caah an hman diam cang ti a fiang. TT ca lawng bakah mu.

Awngbator pate nihhin an hriam caah $ billions in an hman. An ralkap le an hriam ca lawngah khin a si.

Cu lio ah cun, Chinram caah Ks. billion 10 a kan ti salam. US cun, $ 10 million chim lo, tulio phaisa thlen ningah cun $ 3 million hmanh si men lai lo.

Mah amount khi ka zoh ah, Lai pawl Vairuang tepawl nih dohnak ah an hmuhmi tluk khi “keimah nihcun kan bawmh hna lai” hei ti sehlaw ka lawhter.

Vairuang tepawl kha nan sopaw hlah uh. Laimi caah mirum cem nan si nain, Ma-ael-lu fanu pocket money hmanh thla khat chung nan kawlmi nih a deih lo kho ti khi kan ihngalh a hau.

Cucu, paiper le fei le kawl in kan doh lai nan ti.Kan Baruzali nih ai thawh i Lal Luai zong nih Mirang a rak doh hna a hei ti salam. Lal Luai chan ah maw nan rel. Thai Cawn chan zong si lo. Van Kulh tehna chan zong si lo.

Nuclear le hriam saang chan si cang cu. Kawlram timi a uktu raap chiahru pawl khi Suhbaw hmanh nih a rak ṭih tuk bal hna kha, “ka molh tuk ee , ka ule pawl aw,” ai rak iti lo lawng khi si. Mah khikhi dahkaw nan pi Suu cu si ko cu.

Kawlram ah cun an duh ah sen hna seh. An duh ah hring hna seh. Langak bantuk in miphun lohralnak cii chia tuh hna hlah ulaw sing 5 tlinglo kan miphun te hi a him bik lai.

Politics timi cu na ral ṭihnung takmi kha na hawikom ah na ser khawhmi tehna khi a si.

Zei a kan rel lo ngang nain kan miphun he thi cawh a duh lotu Kawl phu tehna sinah khin rul bantuk in fiim a hau. Cucu Bible ah khan rel cio ko uh.

Israel miphun nihin tiang an dir khawhnak hrampi si ko cu.Kawl sachia pawl nih “damah” le “ah-damah” an timi hrim khi ramkhel theory ah cun lih a si. A um lo.

Politics timi ah cun, a thurhnawm cem le a zer cem nih an uk. Mah cucu politics a si i mah ah cun dahkaw, Thlarau lam hruaitu ding pawl nih nan kan hruai hnik cu. Nan itel ah cun itel khawhnak le itelnak zawn um ko e.

Kawlram hi ai nawnnok tuk lengmang tikah, Ma-Ae Lu Min Aung Hlaing a chan a sau lai. Parawfet ka si lo. Kawlram Politics kong cu ka theih ko, a za tawk lawng si lo, tampi in ka theih pinah mah pumpak laarnak caah ca thai hmang ka si bal fawn lo.

Nihin ni lam ah cun lam ithim ding Lai mifim pawl sermi cu. Hero si i sopawtnak he thih…. cu maw na duh? Na thih hnu ah mi pakhathnih nih “Hero” an in ti lai. A thaizing ah na kong hrim an ruat lai lo.

Mah cu maw naa thim lai? Si lo le, na miphun zungzal a nun khawhnak dingah fim le zer i miphun dang ṭih le upat te dingmi si dah?
T

hih ngamh maw na duh nu ngamh? Thihnak lam kha ithim hlah. Nunnak lam tu ithim law, na nunnak nih na miphun caah rawhralnak le chiatserhnak a chuahpi lo dingmi lam tu kha ithim. Salai A Alexander

By admin

Leave a Reply

Your email address will not be published. Required fields are marked *