Atulio Malaysia cu kan theih bangin ramdangmi kan tamtuk a bikin Kawlram mi minung caah cozah lei nih fak piin tlaihkhihnak tuah an timh timi kha kan theih ciomi asi.
Operasi luh lai tihi theih a har ngai khoika ah dah an luh lai tihi a hlan kan in theih khawh a hartukmi asi
Cucaah khoika kan umnak le kan kalnak paoh ah ralrin peng kan hau Malaysia Operasi hi puan caan an ngei i an puan caan ahcun an lut ngai tawn ko.
Kan nihnih kan i ralrin khawh dingmi cu a herh tuk lem lo ah lengvah chuah lo pawngkam ah zurit buaibainak tuah loin inn pawngah khat țhup in i but i țhutdir lo tibantuk hi kan i ralrin khawh dingmi cu asi.
Ruah lo piin Operasi or palik he kan i ton i tlaih kan ton sual tikah a kan bawmtu dingah a herhmi cu a tang lei bantuk hi an si.
(1) UNHCR card na ngeih ko ahcun thin phan tuk awk a um lo an in tlaih hmanh ah an in thlah țhan ko lai sualnak dang na ngeih lem lo ahcun thlah țhan tawn mi zong asi ko.
(2) UNHCR card na ngeih lo ahcun an in tlaih hnu ahcun luatnak lam a har ngai cang Cucaah online in
UN register na rak i tuahnak catlap te kha nai ken lai. Mah catlap kha na piah hna lai an in tlaih i an in kalpi hmanh ah mah catlap te nih khan UNHCR zungle CRC zungah tlaih na tonnak kong kha va chim khawh asi.
Mah catlap te nih khan UNHCR nih a pin lei ah tawlrel khawhnak a lam a um i Ref number te kha na thluak hrimhrim in na zah lai mah catlap te kha, Copy na tuah lai i Orginal nai ken lai i Copy te kha na chung le sinah na chiah hrimhrim lai.
Nupi/Pasal unau i benhnak catlap zong kha na ngeih ahcun na ken lai an benhtu UNHCR number na zah lai tlaihkhih na ton sual tikah ka pasal ka nupi ka unau UNHCR card a ngei ti kha na chim lai i mah nih cun an bawmh khawh men mi zong asi.
Kum 2013 UN card chuh cangmi caah cun nan card chuh cangmi Copy nan ngeih ahcun mah khakha Operasi hmai ahcun piah ding asi ko caah mah nih khan UNHCR le CRC zungah thawngthanh khawhnak lam a um
Tlaihkhih na ton sual tikah rian rangin pehtlaih khawhnak dingah na chung le maw khuami upa phone number pakhatkhat tel kha na thluak in na zah hrimhrim a herh rian rangin chawnh khawhnak dingah a herh ngai tawnmi zong asi
Ka phone chung ah an um ko ti ding asi lo palik nih na phone an in chuh cang tikah ruah loin phone dang a um kho tawnmi asi caah chung le chawnh khawhnak ding kha na zah hrimhrim a herh.Kanmah le kan umnak sang cio ah Pathian nih himnak lam kan hruai cio ko hna seh! FaPa Hniang Amos Cinzah