Hramhram in uknak la tu SAC ralhrang kut in 2023 April 1 in 28 ni tiang ah Myanmar rampi huap in nu ngakchia telh in Nu minung 55 an thi tiah Burmese Women’s Union- BWU nih May 2 ah thanh ca an chuah.
April 11 Sagaing ramthen, Kanbalu peng Pazikyi khua ah SAC nih raltuknak vanlawng Bomb thlaknak ruang nu ngakchia telh in Nu minung 45 an thi tiah BWU nih a langh ter.
A dang a thi mi 5 cu Chin ramkulh Mindat peng le Falam peng telh in Mandalay ramthen ah chung ah an thi. 2021 uknak lak hnu in a tu ni tiang ah Myanmar rampi huap in Nu minung 513 an thi cang tiah an langh ter chih.
April thla chung ah Nu minung 43 tlaih an tong. 2021 kum in a tuni tiang ah Myanmar rampi huap in SAC ralhrang nih Nu 3,390 an tliah hna i cu chung ah minung 819 thong an thlak hna.
Tlaih a tong mi Nu pawl cu Mandalay ramthen, Yangon ramthen, Mon ramkulh, Pago ramthen, Shan ramkulh, Chin ramkulh le Sagaing ramthen ah an tam bik tiah kan theih. Lungmili Post